ឡានម៉ាស៊ីន Hybrid ឆ្លាតម្ល៉ឹងៗ បានស៊ីសាំងតិចណាស់

2017-07-24 04:25:28
ចំនួនមតិ 0 | ចំនួនចែករំលែក 0

ចន្លោះមិនឃើញ

និយាយដល់ Hybrid មនុស្សភាគច្រើនតែងគិតដល់រថយន្ត Toyota Camry ឆ្នាំ ២០០៧ ដែលគេនិយមហៅថា Camry Hybrid និង រថយន្ត Toyota Prius ជាដើម។ អ្នកប្រហែលជាដឹងថារថយន្ត Hybrid នេះស៊ីសាំងតិចជាងរថយន្តធម្មតា ប៉ុន្តែប្រហែលមិនដឹងច្បាស់ទេថារថយន្តនេះមានដំណើរការខុសពីរថយន្តធម្មតាដូចម្ដេច។

ដំបូងត្រូវយល់ថា Hybrid ជាពាក្យសំដៅលើយានយន្តណាដែលដំណើរការដោយប្រភពថាមពលចំនួនពីរខុសគ្នា។ ពាក្យនេះមិនមែនប្រើបានតែជាមួយរថយន្តនោះទេ សូម្បីតែកង់ខ្លះក៏ជាកង់ Hybrid ដែរ ដូចជាកង់ប្រើអាគុយដែលមានប្រភពថាមពលពីរគឺអាគុយ និង កម្លាំងធាក់របស់មនុស្ស។ ចំពោះរថយន្តវិញបច្ចុប្បន្នរថយន្ត Hybrid ដែលគេនិយមប្រើជាងគេមានម៉ាស៊ីនប្រើថាមពលពីរគឺអាគុយ និង ប្រេងឥន្ធនៈ។

មានវិធីជាច្រើនដែលរថយន្ត Hybrid អាចជួយសន្សំសំចៃសាំងបានច្រើនជាងរថយន្តធម្មតា។ នៅពេលរថយន្តឈប់ស្ដុប ឬ ស្ទះចរាចរណ៍ អាគុយជាអ្នកផ្ដល់ថាមពលសម្រាប់ម៉ាស៊ីនត្រជាក់ និង ឧបករណ៍ដទៃទៀតកំពុងដំណើរការក្នុងរថយន្តដូចជាម៉ាស៊ីនចាក់ចម្រៀងជាដើម ហើយអាគុយនេះក៏ជួយឲ្យម៉ូទ័រអេឡិចត្រូនិកបញ្ឆេះម៉ាស៊ីនដើម្បីដំណើរការឡើងវិញបានដែរ។ ប្រសិនបើចាំបាច់ម៉ាស៊ីនប្រើសាំងនឹងចូលរួមចំណែកដើម្បីផ្ដល់ថាមពលបន្ថែមសម្រាប់ការបង្កើនល្បឿន។

ការបម្លែងថាមពលពីការជាន់ហ្វ្រាំងជាមុខងារជួយសន្សំសំចៃប្រេងឥន្ធនៈមួយកម្រិតទៀតលើរថយន្ត Hybrid។ នៅពេលជាន់ហ្រ្វាំងប្រព័ន្ធឆ្លាតវៃរបស់រថយន្ត Hybrid នឹងស្រូបយកថាមពលដែលបង្កើតបានពីការជាន់ហ្រ្វាំងដើម្បីបម្លែងទៅជាថាមពលអគ្គិសនី ហើយរក្សាទុកក្នុងអាគុយ។ ថាមពលដែលបានរក្សាទុកនេះអាចយកមកប្រើសម្រាប់ការបញ្ឆេះម៉ាស៊ីន និង ការបង្កើនល្បឿនរថយន្តបាន។

មុខងារមួយទៀតលើម៉ាស៊ីន Hybrid គឺ "electric-only-drive" ដែលអនុញ្ញាតឲ្យរថយន្តបើកទៅមុខដោយពឹងផ្អែកលើកម្លាំងអេឡិចត្រូនិកសុទ្ធ។ មុខងារនេះអាចដំណើរការបានតែនៅពេលរថយន្តរត់ក្នុងល្បឿនយឺតៗ ហើយការរត់នៅល្បឿនលឿនៗជាតួនាទីរបស់ម៉ាស៊ីនដំណើរការដោយប្រេងសាំងវិញ។

ដោយសារតែរថយន្តប្រើម៉ាស៊ីន Hybrid មានចំណុចខ្លាំងទាំងនេះហើយ ទើបអាចសន្សំសំចៃប្រេងឥន្ធនៈបានយ៉ាងល្អ ហើយបានក្លាយជាទីពេញនិយមសម្រាប់អ្នករស់នៅក្នុងទីក្រុង ជាពិសេសទីក្រុងដែលមមាញឹកខ្លាំង៕

ចុចអាន៖

ប្រភព៖ UCS USA ប្រែសម្រួល៖ សុខហេង

ពាក្យទាក់ទង

រថយន្ត ចំណេះដឹងបច្ចេកវិទ្យា

អត្ថបទពេញនិយម

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

Mohamed Salah ជាប់ឈ្មោះក្នុងបញ្ជីអ្នក Assist ច្រើនជាងគេទាំង១០នៅ EPL

អត្ថបទថ្មី

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ដឹងទេ តើភាពយន្តខ្មែរណាដែលឈរឈ្មោះដណ្ដើមពានអូស្ការដំបូងគេក្នុងប្រវត្តិសាស្ត្រ?

ឯកឧត្តមអភិសន្តិបណ្ឌិត ស សុខា៖ ពិតជាមោទកភាពជាខ្លាំងចំពោះសមិទ្ធផលមេដាយនៃក្រុមគ្រួសារកីឡាក្រសួងមហាផ្ទៃ

មកមើលម៉ូត Fashion តារាអាមេរិកល្បីៗ ក្នុងកម្មវិធី កម្រាលព្រំក្រហម ដ៏ធំមួយ នៅទីក្រុង New York