មកស្គាល់បុគ្គល ២ រូប ដែលជួយឲ្យ Steve Jobs បង្កើត Apple

2017-07-25 01:51:44
ចំនួនមតិ 0 | ចំនួនចែករំលែក 0

ចន្លោះមិនឃើញ

បើនិយាយពីស្ថាបនិករបស់ក្រុមហ៊ុន Apple មនុស្សជាច្រើន ប្រហែលនឹកដល់តែលោក Steve Jobs ម្នាក់ប៉ុណ្ណោះ។ ប៉ុន្តែតាមពិតទៅ ដំបូងឡើយនាខែមេសា ឆ្នាំ ១៩៧៦ ក្រុមហ៊ុន Apple បានបង្កើតឡើងដោយបុគ្គល ៣ រូបរួមមាន Steve Jobs, Steve Wozniak និង Ronald Wayne។

Steve Wozniak:

មិនត្រឹមតែជាមិត្តជិតស្និទ្ធជាមួយ Steve Jobs លោក Wozniak ក៏ជាអ្នកចូលរួមបង្កើតឡើងនូវក្រុមហ៊ុន Apple ផងដែរ។ គាត់មានសញ្ជាតិអាមេរិក មានមុខតំណែងខាងវិស្វករអេឡិចត្រូនិក, អ្នកសរសេរកម្មវិធី និងសហគ្រិនបច្ចេកវិទ្យា។

បុរសវ័យ ៦៦ ឆ្នាំរូបនេះ ក៏ត្រូវបានគេស្គាល់ជាអ្នកត្រួសត្រាយផ្លូវដ៏សំខាន់ ជាមួយ Steve Jobs ផលិតនូវកុំព្យូទ័រអំឡុងឆ្នាំ ១៩៧០ និង ១៩៨០។ ប៉ុន្តែដើមឆ្នាំ ១៩៨៥ លោកក៏បានចាកចេញពីក្រុមហ៊ុន Apple ហើយចូលសិក្សានៅសកលវិទ្យាល័យ UC Berkeley ដើម្បីបញ្ចប់ថ្នាក់បរិញ្ញាបត្ររបស់លោក។ គិតត្រឹមចុងឆ្នាំ ២០១៥ លោកមានទ្រព្យសម្បត្តិប្រមាណ ១០០ លានដុល្លារប៉ុណ្ណោះ។

Ronald Wayne:

លោក Ronald Gerald Wayne កើតនៅថ្ងៃទី ១៧ ឧសភា ឆ្នាំ ១៩៣៤ ជាបុគ្គលិកក្នុងរោងចក្រអេឡិចត្រូនិកមួយ ប៉ុន្តែលោកបានចូលនិវត្តហើយ។ គាត់ក៏ជាបុគ្គលទី ៣ ដែលបានជួយ Steve Wozniak និង Steve Jobs បង្កើតក្រុមហ៊ុន Apple ។ ប៉ុន្តែមិនទាន់មានកាលបរិច្ឆេទបញ្ជាក់ច្បាស់លាស់ពីឆ្នាំដែលលោកលាឈប់ពី Apple នោះឡើយ។

រឿងដែលគួរឲ្យសោកស្ដាយមួយសម្រាប់លោកផ្ទាល់ កាលនោះលោកមានភាគហ៊ុនក្នុងក្រុមហ៊ុនចំនួន ១០ ភាគរយ ហើយលោកបានលក់ចេញដែលទទួលលុយមកវិញតែ ៨០០ ដុល្លារប៉ុណ្ណោះ ផ្ទុយទៅវិញបើ Wayne ទុកភាគហ៊ុន ១០ ភាគរយ នោះមកទល់គិតត្រឹមខែមិនា ឆ្នាំ ២០១៧ វានឹងលក់ចេញបានដល់ទៅ ៧៥,៥ ពាន់លានដុល្លារ ដែលអាចធ្វើឲ្យលោកជាប់ឈ្មោះជាសេដ្ឋីមួយរូប៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ en.m.wikipedia.org ប្រែសម្រួល ៖ កៅ រក្សា