អស្ចារ្យណាស់! ចម្រៀងខ្មែរ១បទ តារាស្រី៦ជំនាន់ច្រៀងត្រាប់ឡើងវិញតែនៅតែពិរោះរណ្ដំ

2017-07-25 04:33:55
ចំនួនមតិ 0 | ចំនួនចែករំលែក 0

ចន្លោះមិនឃើញ

បទ "រាត្រីសេកុង" ជាសំនៀងដើមរបស់ធីតាសំឡេងរនាតឯក ហួយ មាស និងជាចម្រៀងមួយបទដែលត្រូវតារាចម្រៀងស្រីចំនួន៥រូបទៀតច្រៀងត្រាប់ឡើងវិញក្នុងផលិតនានាជាបន្តបន្ទាប់ ពីមួយជំនាន់ទៅមួយជំនាន់។

ដោយយោងតាមសៀវភៅ "មាសស្រោបនគរ" ភាគទី១ និងទី៥ របស់លោក សេង តារា អ្នកស្រាវជ្រាវបទចម្រៀង និងប្រវត្តិសិល្បករជំនាន់ដើម។ ថ្ងៃនេះ Sabay នឹងជូននូវជីវប្រវត្តិខ្លះៗ របស់ចម្រៀងខាងលើ និងលក្ខណៈពិសេសដែលធ្វើឲ្យបទនេះនៅតែជាចម្រៀងក្នុងដួងអ្នកស្ដាប់គ្រប់ស្រទាប់មិនចេះសាបសូន្យ។

បទនេះ ជាស្នាដៃនិពន្ធបទភ្លេង និងទំនុកច្រៀងរបស់ អធិរាជសំឡេងមាស ស៊ិន ស៊ីសាមុត នៅអំឡុងឆ្នាំ ១៩៦៣ ចូល១៩៦៤ ក្រោមផលិតកម្មវត្តភ្នំ។
ជាចម្រៀងតែមួយបទគត់ដែលអធិរាជសំឡេងមាសនិពន្ធ ពីខេត្តស្ទឹងត្រែង ដែលជាទឹកដីកំណើតរបស់លោក ហើយជំនាន់នោះក៏មិនមានកវីរូបណា និពន្ធពីខេត្តខាងលើដែរ។

(រាត្រីសេកុង សំនៀងដើមដោយអ្នកស្រី ហួយ មាស)

ជាចម្រៀងទី២ ដែលថតដាក់ថាសក្នុងផលិតកម្ម "វត្តភ្នំ" បន្ទាប់ពីបទ "ចំប៉ាបាត់ដំបង" ក្រោយវត្តមានថាសចម្រៀងចូលមកក្នុងវិស័យសិល្បៈខ្មែរ។
ច្រៀងដោយតារាចម្រៀងថ្មីកាលពីជំនាន់នោះ គឺធីតាសម្លេងរនាតឯក ហួយ មាស គួបនឹងសំឡេងហ្គីតាដ៏រណ្ដំរបស់អ្នកលេងហ្គីតាជនជាតិខ្មែរកាត់វៀតណាម ឡាំ ហ៊ឺង។

ចុចអាន៖

ដោយសារតែភាពល្បីល្បាញ និងលក្ខណៈពិសេសទាំងនេះ ទើបឲ្យមានផលិតកម្មក្នុង និងក្រៅស្រុកជាច្រើនយកចម្រៀងខាងលើថតសារឡើងវិញ និងច្រៀងដោយតារាស្រីៗល្បីតាមជំនាន់ដូចជា៖

ហ៊ឹម ស៊ីវន ក្នុងផលិតកម្ម "រស្មីហង្សមាស"