៥ គម្រោងធំៗ របស់ឯកឧត្ដម ស៊ុន ចាន់ថុល នឹងចេញជារូបរាងជាបន្តបន្ទាប់

2017-07-25 07:32:31
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងពិធីសម្ពោធដាក់ឱ្យប្រើប្រាស់ មណ្ឌលត្រួតពិនិត្យលក្ខណៈបច្ចេកទេសយានយន្ត (សាខា បឹងស្នោរ) ជាផ្លូវការ កាលពីព្រឹកមិញនេះ ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានបញ្ជាក់ពីគម្រោងសំខាន់ៗ ហើយក៏ជាក្ដីស្រមៃរបស់ឯកឧត្ដមនឹងចេញជារូបរាងជាបន្តបន្ទាប់។ គម្រោងធំៗទាំងនោះរួមមាន៖

១. ផ្លូវល្បឿនលឿន

ទេសរដ្ឋមន្ត្រី រដ្ឋមន្ត្រីក្រសួងសាធារណការ បានឱ្យដឹងថា ចំពោះគម្រោងផ្លូវល្បឿនលឿន ពីភ្នំពេញទៅខេត្តព្រះសីហនុ បានធ្វើកិច្ចព្រមព្រៀងជាមួយក្រុមហ៊ុនសាងសង់របស់ប្រទេសចិន និងចរចាជិត១០០%ហើយ។ ឯកឧត្ដម ស៊ុន ចាន់ថុល បានបន្តទៀតថា នៅតែកត្តាមួយចំនួនទៀតប៉ុណ្ណោះ ដែលក្រសួងត្រូវដោះស្រាយឱ្យចប់សព្វគ្រប់សិន។ ចំណែកផ្លូវល្បឿនលឿនពីភ្នំពេញទៅបាវិត ក៏បានសិក្សារួចរាល់ហើយដែរ។ ដូច្នេះផ្លូវល្បឿនលឿននៅកម្ពុជាត្រូវតែចេញជារូបរាងក្នុងពេលខាងមុខ។

២. ផ្លូវទឹក

ទេសរដ្ឋមន្ត្រី ស៊ុន ចាន់ថុល បានប្រាប់ថា បច្ចុប្បន្នលោកកំពុងតែឱ្យកំពង់ផែស្វយ័តភ្នំពេញរៀបចំ និងលើកផែនការ ដើម្បីធ្វើយ៉ាងណាឱ្យមាន កាណូតដឹកប្រជាពលរដ្ឋ ពីស្ពានព្រែកភ្នៅ មកភ្នំពេញ និងពីភ្នំពេញ ទៅតាខ្មៅ។ "ផ្លូវទឹកជាអ្វីដែលខ្ញុំចង់ឃើញបំផុត ហើយក៏ត្រូវតែធ្វើឱ្យបាន"។ ឯកឧត្ដម ស៊ុនចាន់ថុល ថ្លែង។

៣. ផ្លូវដែកពីភ្នំពេញទៅព្រលានយន្តហោះ

ផ្លូវដែកពីស្ថានីយរថភ្លើងទៅព្រលានយន្តហោះអន្តរជាតិ កំពុងសាងសង់យ៉ាងសស្រាក់សស្រាំនៅពេលយប់ជារៀងរាល់ថ្ងៃ។ ផ្លូវដែកនេះ នឹងសម្ពោធឱ្យប្រាស់ប្រាស់ជាផ្លូវការ នៅខែមេសា ឆ្នាំ២០១៨។

៤. ស្ពានស្ទឹងត្រង់ឆ្លងទន្លេមេគង្គ

រដ្ឋមន្រ្តីល្បីឈ្មោះខាងបច្ចេកវិទ្យារូបនេះ បានប្រាប់ពីគម្រោងធំមួយទៀតនោះ គឺស្ពានឆ្លងទន្លេមេគង្គនៅស្ទឹងត្រង់ ហើយបច្ចុប្បន្នកំពុងតែសាងសង់ហើយ។