កូរ៉េខាងជើង នឹងវាយប្រហារនុយក្លេអ៊ែរ ទៅលើអាមេរិក ប្រសិនបើរឿងមួយនេះកើតឡើង

2017-07-26 02:22:09
ចំនួនមតិ 0 | ចំនួនចែករំលែក 0

ចន្លោះមិនឃើញ

កូរ៉េខាងជើង គំរាមកំហែងវាយប្រហារនុយក្លេអ៊ែរទៅលើ បេះដូងនៃសហរដ្ឋអាមេរិក
ការគំរាមកំហែងនេះ ឆ្លើយតបទៅនឹងយោបល់របស់នាយក CIA
កូរ៉េខាងជើង នឹងប្រើប្រាស់ចលនាគ្រប់ប្រភេទ រួមទាំងអាវុធនុយក្លេអ៊ែរ

កូរ៉េខាងជើង បានគំរាមកំហែងវាយប្រហារនុយក្លេអ៊ែរទៅលើ «បេះដូងនៃសហរដ្ឋអាមេរិក» ប្រសិនបើប្រទេសមហាអំណាចមួយនេះ ប៉ុនប៉ងកម្ចាត់ លោក គីម ជុងអ៊ុន ចេញពីតំណែងមេដឹកនាំកំពូល។ នេះបើយោងតាមការឲ្យដឹងពីទីភ្នាក់ងារ Korean Central News Agency (KCNA) កាលពីថ្ងៃអង្គារ។

ការគំរាមកំហែងដ៏គួរឲ្យភ្ញាក់ផ្អើលនេះ គឺជាការឆ្លើយតបទៅនឹងយោបល់របស់នាយក CIA លោក Mike Pompeo ដែលបាននិយាយកាលពីសប្តាហ៍មុនថា រដ្ឋាភិបាលលោក ដូណាល់ ត្រាំ ចាំបាច់ស្វែងរកវិធីដើម្បីកម្ចាត់ លោក គីម ជុងអ៊ុន ចេញពីការអភិវឌ្ឍនៃនុយក្លេអ៊ែរ។

នាយក CIA លោក Mike Pompeo

ទោះបីជាយ៉ាងណា អ្នកនាំពាក្យក្រសួងការបរទេសកូរ៉េខាងជើងម្នាក់ បាននិយាយថា «កូរ៉េខាងជើង បានចែងដោយស្របច្បាប់ថា ប្រសិនបើសេចក្ដីថ្លៃថ្នូររបស់មេដឹកនាំកូរ៉េខាងជើង ត្រូវរងការគំរាមកំហែង យើងត្រូវតែកម្ទេចប្រទេស និងអង្គភាព ដែលបានចូលរួមដោយផ្ទាល់ ឬប្រយោលទាំងនោះ ដោយប្រើប្រាស់ចលនាគ្រប់ប្រភេទ រួមទាំងអាវុធនុយក្លេអ៊ែរ ផងដែរ»។

«បើសហរដ្ឋអាមេរិក ហ៊ានបង្ហាញសញ្ញានៃការប៉ុនប៉ងកម្ចាត់មេដឹកនាំកំពូលរបស់យើង សូម្បីតែបន្តិច យើងនឹងវាយប្រហារដោយគ្មានក្តីមេត្តា ទៅលើបេះដូងនៃសហរដ្ឋអាមេរិក ជាមួយនឹងអាវុធនុយក្លេអ៊ែរដ៏មានឥទ្ធិពលរបស់យើង»។ អ្នកនាំពាក្យខាងលើបានបន្ថែមយ៉ាងដូច្នេះ៕

ចុចអាន៖

ប្រភព៖ CNN ប្រែសម្រួល៖ សេង ឡុង