អ្នកទេសចរអឺរ៉ុបមកលេងថៃ ធ្លាក់ខ្លួនសុំទានច្រើនរហូតអាជ្ញាធរចេញវិធានការក្ដៅ

2017-07-25 06:45:51
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកទេសចរអឺរ៉ុបមកទេសចរ បែរក្លាយជាអ្នកសុំទាន
អ្នកទេសចរចង់ចូលថៃត្រូវ បង្ហាញប្រាក់តាមខ្លួនយ៉ាងតិច ៧៤៨ដុល្លារ

ថៃជាប្រទេសលេចធ្លោមួយនៅអាស៊ាន ដែលអាចទាក់ទាញភ្ញៀវទេសចរជុំវិញពិភពលោកឲ្យចូលមកទស្សនាយ៉ាងច្រើនកុះករពីមួយឆ្នាំទៅមួយឆ្នាំមិនថាពីអាស៊ី ប៉ែកអឺរ៉ុប ឬអាមេរិកទេ។

កន្លែងកម្សាន្តដែលអាចស្រូបយកភ្ញៀវទេសចរបានច្រើនមានដូចជា តំបន់ប្រវត្តិសាស្ត្រ ឆ្នេរសមុទ្រ តំបន់កែច្នៃ និងទីក្រុងបាងកក ផ្ទាល់តែម្ដង។ ការសម្បូរទីតាំងកម្សាន្តដ៏ច្រើនបែបនេះ ទើបអ្នកទេសចរដែលឈានជើងចូលប្រទេសថៃហើយ តែងតែហ៊ានចាយប្រាក់ច្រើន រហូតអ្នកទេសចរខ្លះធ្លាក់ខ្លួនជាអ្នកសុំទានក៏មាន។

ដោយសារតែអ្នកទេសចរមកលេងបាងកក បែរក្លាយជាអ្នកសុំទាន ទើបអាជ្ញាធរចេញវិធានការមួយសម្រាប់រឹតបន្តឹង។ អ្នកដំណើរទាំងនោះ ត្រូវបានគេឃើញកាន់បដាផ្សេងៗនៅតាមផ្លូវ ឬលេងតន្ត្រីតិចតួច ដើម្បីសុំប្រាក់ខ្លះសម្រាប់ធ្វើដំណើរទៅប្រទេសកំណើតវិញ។

ថ្មីៗនេះរដ្ឋាភិបាលថៃ បានសម្រេចរឹតបន្តឹងដល់អ្នកទេសចរដោយតម្រូវឲ្យអ្នកដំណើរត្រូវបង្ហាញប្រាក់យ៉ាងតិច ២ម៉ឺនបាត ឬប្រមាណ ៧៤៨ដុល្លារ ទៅកាន់មន្ត្រីអន្តោប្រវេសន៍ មុនពេលចូលប្រទេសថៃ។

កាលប៉ុន្មានថ្ងៃមុន អ្នកដំណើរម្នាក់កាន់វីសាសម្រាប់ការសិក្សា ត្រូវបានអាជ្ញាធរចាប់ឃុំខ្លួននៅព្រលានយន្តហោះសុវណ្ណភូមិ បន្ទាប់ពីអាជ្ញាធរឲ្យបង្ហាញទឹកប្រាក់ ហើយគាត់មានតែ ២៤០ដុល្លារ៕