ភ្ញាក់ផ្អើល! តាមពិត G-Dragon ប៊ិះនឹងក្លាយជាតារានៅផលិតកម្មមួយនេះ

2017-07-26 23:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមរយៈវគ្គថ្មីមួយរបស់កម្មវិធី "Name List Reveal” របស់ប៉ុស្តិ៍ទូរទស្សន៍ tvN បានបង្ហាញថា G-Dragon ធ្លាប់ចុះកុងត្រាជាមួយផលិតកម្មយក្ស SM Entertainment។

កាលពីអាយុ ៨ឆ្នាំ G-Dragon បានចូលរួមកម្មវិធីប្រលងប្រជែងរាំមួយ ដែលធ្វើឲ្យម្ចាស់ផលិតកម្ម SM ផ្ទាល់គឺលោក Lee Soo Man ចាប់អារម្មណ៍។

លោក Lee Soo Man ទទួលស្គាល់ថា G-Dragon មានក្បាច់រាំល្អនិងចុះកុងត្រាយកភ្លាមៗ ហើយក៏បានក្លាយជា Trainee នៅផលិតកម្ម SM អស់រយៈពេល ៥ឆ្នាំឯណោះ។

លោក Lee Soo Man ម្ចាស់ផលិតកម្ម SM

ក្នុងរយៈពេល៥ឆ្នាំនោះ G-Dragon គ្រាន់តែចូលរួមហាត់ម្ដងក្នុងមួយខែ ឫម្ដងក្នុងរយៈពេលបីខែតែប៉ុណ្ណោះ ដែលជាហេតុធ្វើឲ្យលោកមិនអាចមានអនាគតវែងឆ្ងាយជាមួយ SM។

នោះអាចដោយសារតែពេលនោះ លោកមិនទាន់មានគោលដៅច្បាស់លាស់ថានឹងចង់ក្លាយជាតារាបែបណា រហូតដល់ពេលចាប់ផ្ដើមស្គាល់ក្រុមចម្រៀងហ៊ីបហប Wu-Tang Clan ។

ក្រុមចម្រៀង Wu-Tang Clan

លោកក៏ចាប់ផ្តើមស្រលាញ់ចង្វាក់ហ៊ីបហបនិងព្រមទាំងចូលរៀនវគ្គទាក់ទងនឹងហ៊ីបហបទៀតផង ដើម្បីយល់កាន់តែច្បាស់ពីចង្វាក់នេះ។

បន្ទាប់មក G-Dragon បានចូលរួមក្រុមចង្វាក់ហ៊ីបហបមួយឈ្មោះថា People Crew ហើយត្រូវបានគេសរសើរជាច្រើនចំពោះសមត្ថភាពបញ្ចេញវោហារសព្ទក្នុងចម្រៀងរបស់លោក។

ក្រុមចម្រៀងហ៊ីបហប People Crew

នៅឆ្នាំ២០០១ G-Dragon ពូកែខ្លាំងដល់ថ្នាក់ត្រូវបានគេដាក់បញ្ចូលបទចម្រៀងខ្លួនក្នុងអាល់ប៊ុមហ៊ីបហបមួយឈ្មោះថា "2001 Korea HipHopFlex” ទៀតផង ខណៈពេលដែលខ្លួនទើបតែមានអាយុ ១៣ឆ្នាំ។

អាល់ប៊ុមចម្រៀង "2001 Korea HipHopFlex"

ក្នុងពេលនោះដែរលោក Sean សមាជិកក្រុមចម្រៀង Jinusean ដែលជាក្រុមចម្រៀងមួយរបស់ YG បានកត់សម្គាល់ពីទេពកោសល្យរបស់ G-Dragon ហើយណែនាំទៅម្ចាស់ផលិតកម្ម YG លោក Yang Hyun Suk។

លោក Yang Hyun Suk ម្ចាស់ផលិតកម្ម YG

នៅឆ្នាំ ២០០២ ក៏បានចុះកុងត្រា G-Dragon ជាមួយផលិតកម្ម YG ហើយក៏ចាប់ផ្តើមបង្ហាត់បង្រៀនដោយឲ្យ G-Dragon ចូលច្រៀងនិងសម្ដែងជាមួយអ្នកចម្រៀងខ្លះៗដែលនៅផលិតកម្ម YG ជាមួយគ្នា។

លុះដល់ពេល ៦ឆ្នាំក្រោយ ទើប G-Dragon បាន Debut ជាមេក្រុមចម្រៀង Big Bang ដែលជាក្រុមចម្រៀងហ៊ីបហបដំបូងរបស់ ផលិតកម្ម YG Entertainment៕