តួអង្គសំខាន់ម្នាក់ក្នុងរឿង "ម្ចាស់ព្រះអាទិត្យ” លួចច្រណែន គូស្នេហ៍ Song-Song

2017-07-27 08:51:31
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងស្រីដែលជាតួអង្គសំខាន់ម្នាក់ដែរ ក្នុងរឿង "ម្ចាស់ព្រះអាទិត្យ” ឬ "Descendants of the Sun” ជាមួយ Song Joong Ki និង Song Hye Kyo គឺតារាស្រី Kim Ji Won បានចេញមុខអបអរដំណឹងមង្គលការរបស់មិត្តរួមអាជីពទាំងពីរដោយក្ដីរីករាយ។

ថ្ងៃទី ២៧ ខែកក្កដានេះ តារាសម្ដែងស្រី Kim Ji Won ដែលជាតួអង្គ "Yoon Myung Ju” បានបង្ហាញមុខក្នុងបទសម្ភាសន៍មួយ ហើយនៅពេលដែលសួរថា តើនាងធ្លាប់ដឹងពីគម្រោងរៀបការរបស់ Song Joong Ki និង Song Hye Kyo ពីមុនដែរឬទេ? នាងបាននិយាយថា៖ "ខ្ញុំទើបតែបានដឹងតាមរយៈអត្ថបទព័ត៌មានដែលបានចុះផ្សាយទេ” ហើយពេលនោះនាងពិតជារំភើបណាស់។

តារាស្រីរូបនេះបន្តថា៖ "ពេលនោះខ្ញុំគឺជាតួអង្គម្នាក់ដែលក្មេងជាងគេ ហើយខ្ញុំពិតជាព្យាយាមខ្លាំង ក្នុងការសម្ដែងតួអង្គរបស់ខ្ញុំ ដូចនេះហើយទើបខ្ញុំមិនបានកត់ចំណាំថាពួកគេទាក់ទងគ្នា"។

Kim Ji Won ក៏បានបង្ហើបថា នាងមិនទាន់បានផ្ញើសារអបអរទៅកាន់គូស្នេហ៍ទាំង២ទេ ដូចនេះឆ្លៀតក្នុងឱកាសនោះនាងបាននិយាយថា៖ "ខ្ញុំពិតជាចង់អបអរពួកគេណាស់! ជួបជាមួយមនុស្សម្នាក់ដែលយើងស្រលាញ់ និងចំណាយពេលពេញមួយជីវិតជាមួយគ្នា គឺពិតជាគំនិតដ៏រីករាយ ខ្ញុំពិតជាច្រណែនណាស់”។

យ៉ាងណាមិញ ងាកមកតារាស្រីមុខមានមន្តស្នេហ៍រូបនេះវិញ តែងទទួលបានការគាំទ្រជាច្រើននាប៉ុន្មានឆ្នាំចុងក្រោយនេះ។ ភាគច្រើននៃរឿងដែលនាងសម្ដែងតែងទទួលបានការគាំទ្រច្រើន ដូចជារឿង "The Heirs”, ”Descendants of the Sun” និងរឿង ”Fight for My Way” ជាដើម៕

ចុចអាន៖

ប្រភព៖ Soompi ប្រែសម្រួល៖ យី សុធារី