Elvin Ng រំភើបចិត្តចង់ហោះ ពេលជួបកីឡាកររបស់ Chelsea ផ្ទាល់

2017-07-29 08:06:01
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនថាតែមហាជនទូទៅទេ ដែលមានបុគ្គលល្បីសំណព្វចិត្តរបស់ខ្លួន សូម្បីតារាៗក៏មានអ្នកនៅក្នុងចិត្តដែរ ជាក់ស្ដែងដូចតារាប្រុសសិង្ហបុរី Elvin Ng ជាតារាល្បីក៏ពិតមែន តែអ្នកដែលលោកពេញចិត្តខ្លាំងគឺ កីឡាកររបស់ Chelsea។

ដោយសារស្នេហាវិស័យបាល់ទាត់ពេក តារាសម្ដែង Elvin Ng បានដកឃ្លាពីការងារ ដើម្បីបានទៅទស្សនាការប្រកួតនៅ ICC (International Champions Cup) របស់ក្លឹបសំណព្វចិត្តរបស់ខ្លួន នៅក្នុងប្រទេសសិង្ហបុរីថ្មីៗនេះ។ ការប្រកួតមុនបើកក្បាលរដូវកាលថ្មីនេះមាន ក្រុមធំបំផុតរបស់អឺរ៉ុប ចំនួន ១៤ ហើយការប្រកួតនេះ នឹងបង្ហាញជូនទស្សនានូវការប្រយុទ្ធតតាំងគ្នារបស់ Chelsea FC, FC Bayern និង FC Internazionale ផងដែរ។

Elvin Ng និងកីឡាករ Gary Cahill

Elvin Ng និងកីឡាករ Cesc Fabregas

Elvin Ng និងកីឡាករ Thibaut Courtois

Elvin Ng និងកីឡាករ Marcos Alonso

Elvin Ng និងកីឡាករ Wilian

Elvin Ng និងកីឡាករ Kante

Elvin Ng និងកីឡាករ Alvaro Morata

Elvin Ng និងអ្នកចាត់ការទូទៅរបស់ Chelsea លោក Antonio Conte

តារាប្រុសដែលធ្លាប់មកសម្ដែងក្នុងប្រទេសកម្ពុជា Elvin បានប្រាប់ថា លោកបានចំណាយលុយទិញសំបុត្រចូលទស្សនា ចំនួន ៧០០ដុល្លារសិង្ហបុរី (ប្រមាណជាង ៥០០ដុល្លារអាមេរិក) ដើម្បីបានចូលទស្សនាការប្រកួតរបស់ Chelsea កាលពីថ្ងៃទី ២៥ និងថ្ងៃទី ២៩នេះ។ លើសពីនេះលោកក៏បាន ប្រាប់ទៅអ្នកដឹកនាំរឿង Yeo Saik Pin ថាខ្លួនត្រូវតែត្រលប់ទៅសិង្ហបុរីនៅ ២ថ្ងៃនោះ ព្រោះជាពេលវេលាដ៏សំខាន់បំផុតក្នុងជីវិតលោក។

Elvin បាននិយាយថា លោកពិតជាបំភ្លេចមិនបាន និងរំភើបខ្លាំង ជាងទទួលបានពានកំពូលទៅទៀត មិននឹកស្មានបានជួបកីឡាករសំណព្វចិត្តផ្ទាល់ ហើយពេលមើលរូបទាំងនោះម្ដងៗ លោកតែងតែអង្គុយសើច ព្រោះមិននឹកស្មានថាមានឱកាសជួបកីឡាករល្បីៗទាំងនោះផ្ទាល់ភ្នែកបែបនេះទេ៕

ចុចអាន៖

ប្រភព៖ entertainment.toggle ប្រែសម្រួល៖ យី សុធារី