ស្មាតហ្វូន​កំពូល Huawei ជំនាន់​ក្រោយ ទំនង​ជា​មាន​ឈ្មោះ​ Mate 10។ នា​កិច្ច​សម្ភាសន៍​ជាមួយ​​ប្រធាន​ផ្នែក​ផលិតផល​ក្រុមហ៊ុន Huawei លោក Richard Yu បាន​ថ្លែង​ថា ទូរសព្ទ​ជំនាន់​ក្រោយ​របស់​ខ្លួន នឹង​មាន​អេក្រង់​ផ្ទៃ​ពេញ Full-Screen Display ដែល​ចង់​មាន​ន័យ​ថា​គ្មាន​គែម​សង​ខាង សម្រប​បាន​ទីផ្សារ​ស្មាតហ្វូន​ប្រភេទ​នោះ​កំពុង​ពេញ​និយម​នា​ឆ្នាំ ២០១៧។

​លោក​បានលើក​ឡើង​ដោយ​អះអាង​ថា​ Mate 10 នឹង​មាន​ថាមពល​ថ្ម​ប្រសើរ​ជាង, ល្បឿន​សាក​ថ្ម​លឿន​ជាង, សមត្ថភាព​ថត​រូប​ខ្លាំង​ជាង​ ធៀប​ទៅ​នឹង iPhone ជំនាន់​ក្រោយ​របស់​ក្រុមហ៊ុន​អាមេរិក Apple។​

យ៉ាងណមិញ​លោក Yu ក៏​បាន​ប្រកាស​ជា​សាធារណៈ​ថា Huawei នឹង​បោះបង់​ឈប់​ផលិត​ស្មាតហ្វូន​ស៊េរី​ទាប​នៅ​លើ​ទីផ្សារ ព្រោះ​សង្វាក់​ចេញ​លក់​ឧបករណ៍​ប្រភេទ​នោះ ហាក់​បី​ជា​នៅ​មាន​កម្រិត​ទាប​និង​ពុំ​សូវ​ទទួល​បាន​ផល​ចំណេញ​ច្រើន។​ ម្ល៉ោះ​ហើយ​ថ្ងៃ​ខាង​មុខ​​អ្នក​រាល់​គ្នា អាច​នឹង​ឃើញ​តែ​ស្មាតហ្វូន​ធន់​កណ្ដាល​និង​ធន់​ខ្ពស់​ប៉ុណ្ណោះ សម្រាប់​ស្មាតហ្វូន​របស់ Huawei។​​​

• ប្លែក​ភ្នែក​ ​បុរស​ម្នាក់​បើក​រថ​ក្រោះ​ជូន​កូន​ទៅ​សាលា​​រៀង​រាល់​ថ្ងៃ
• បើ​ជួប​រឿង​ទាំង ៥ នេះ ប្រញាប់​ប្ដូរ​ថ្ម​ទូរសព្ទ​អ្នក​ឲ្យ​ហើយ​ភ្លាម​ទៅ

ប្រភព៖ GSMarena   ប្រែសម្រួល៖ កៅ រក្សា