ស្រីស្អាតថៃកូនកាត់ស៊ុយអែត ក្លាយជាម្ចាស់តំណែង "Miss Universe Thailand 2017"

2017-07-31 02:23:03
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រកួតជ្រើសរើសនារីអស្ចារ្យថៃ "Miss Universe Thailand” ប្រចាំឆ្នាំ ២០១៧ បានបញ្ចប់ទៅដោយជោគជ័យក្រោយបានរកឃើញម្ចាស់ជយលាភីរួចមក។

កាលពីថ្ងៃទី ២៩ខែកក្កដា ត្រូវនឹងថ្ងៃសៅរ៍សប្ដាហ៍មុន កម្មវិធីដ៏ធំ "Miss Universe Thailand” ឆ្នាំ ២០១៧ បានរកឃើញស្រីស្អាតម្ចាស់តំណែងប្រចាំឆ្នាំហើយ។ បវរកញ្ញាចក្រវាលរបស់ប្រទេសថៃ ឆ្នាំនេះមានឈ្មោះថា Maria Poonlertlarp Ehren ជាស្រីស្អាតដែលមានសម្រស់ស្រស់សោភា និងថែមទាំងពោរពេញដោយសមត្ថភាពទេពកោសល្យពេញខ្លួនទៀតផង។

ស្រីស្អាតរូបនេះមានអាយុ ២៥ឆ្នាំ ហើយសព្វថ្ងៃនាងជា តារាចម្រៀង និងក៏ជាតារាម៉ូដែលម្នាក់ ក្នុងប្រទេសថៃ និងប្រទេសស៊ុយអែតផងដែរ។ Maria មានអ្នកម្ដាយជាជនជាតិថៃ និងលោកឪពុកជាជនជាតិស៊ុយអែត។ បើនិយាយពីសមត្ថភាពខាងភាសាវិញ នាងអាចនិយាយភាសាអង់គ្លេស ថៃ ចិន និងវៀតណាម។

គួរបញ្ជាក់ផងដែរថា កម្មវិធី "Miss Universe Thailand” ត្រូវបានរៀបចំឡើងជារៀងរាល់ឆ្នាំ ចាប់តាំងពីឆ្នាំ ២០០០ មក។ ដំបូងឡើយកម្មវិធីនេះ មានឈ្មោះថា "Miss Thailand Universe” ទេ ប៉ុន្តែក្នុងឆ្នាំ ២០១២ វាក៏បានប្ដូរមកជា "Miss Universe Thailand” វិញរហូតមកដល់សព្វថ្ងៃ៕

ចុចអាន៖

ប្រភព៖ Mthai ប្រែសម្រួល៖ យី សុធារី