ហេតុផលសំខាន់ ៣យ៉ាង ធ្វើឲ្យអត្រាកំណើតនៅកូរ៉េខាងត្បូង ធ្លាក់ចុះទាបបំផុតមិនធ្លាប់មាន
- 2017-07-31 03:39:30
- ចំនួនមតិ 0 | ចំនួនចែករំលែក 0
ហេតុផលសំខាន់ ៣យ៉ាង ធ្វើឲ្យអត្រាកំណើតនៅកូរ៉េខាងត្បូង ធ្លាក់ចុះទាបបំផុតមិនធ្លាប់មាន
ចន្លោះមិនឃើញ
ការកើនឡើងនៃចំនួនប្រជាជនរបស់ប្រទេសកូរ៉េខាងត្បូងនៅឆ្នាំនេះ នឹងក្លាយជាអត្រាយឺតបំផុតមិនធ្លាប់មានពីមុនមក ទោះបីជាមានកិច្ចខិតខំប្រឹងប្រែង ដើម្បីជំរុញវាក៏ដោយ។ នេះបើតាមការឲ្យដឹងពីមន្ត្រីកូរ៉េខាងត្បូង។
ទារកប្រហែល ៣៦០ ០០០ នាក់ នឹងត្រូវកើតនៅឆ្នាំ ២០១៧ នេះ ដែលនាំឲ្យមានការព្រួយបារម្ភអំពីផលប៉ះពាល់ នៃប្រជាជនវ័យចំណាស់ទៅលើសេដ្ឋកិច្ច។
ជាមួយគ្នានេះដែរ ក្រុមមន្ត្រីបានស្ដីបន្ទោសលើការកើនឡើង នៃអត្រាគ្មានការងារធ្វើរបស់យុវវ័យ។ ប៉ុន្តែ គូស្វាមីភរិយាជាច្រើននិយាយថា ការកើនឡើងនៃការចំណាយក្នុងការរស់នៅ រួមទាំងថ្លៃផ្ទះ និងតម្លៃអប់រំ បញ្ជាក់ឲ្យឃើញថា ការមានគ្រួសារធំមួយ មិនមែនជាជម្រើសល្អឡើយ។
គួរបញ្ជាក់ថា វាជាលើកដំបូងហើយដែលចំនួនកំណើតក្នុងមួយឆ្នាំរបស់កូរ៉េខាងត្បូង បានធ្លាក់ចុះក្រោម ៤០០ ០០០ នាក់។
កូរ៉េខាងត្បូង បានចំណាយប្រាក់ប្រហែល ៧០ ពាន់លានដុល្លារ ដើម្បីព្យាយាមបង្កើនអត្រាកំណើត ក្នុងរយៈពេលមួយទសវត្សរ៍ចុងក្រោយនេះ ដូចជា ផ្ដល់ប្រាក់ឧបត្ថម្ភទារក បន្ថែមថ្ងៃឈប់សម្រាក និង ចេញថ្លៃព្យាបាលជំងឺអត់កូនជាដើម។
ក្រុមមន្ត្រីកូរ៉េខាងត្បូង មានការភ័យខ្លាចថា អត្រាកំណើតទាប អាចកាត់បន្ថយចំនួនប្រជាជនធ្វើការ និងបង្កើនការចំណាយលើសុខុមាលភាពច្រើន សម្រាប់ការកើនឡើងនៃចំនួនមនុស្សចាស់ ដែលធ្វើឲ្យប៉ះពាល់ដល់សក្ដានុពលនៃកំណើនសេដ្ឋកិច្ច៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
