ភ្ញាក់ផ្អើល! ទីក្រុងមួយ មានភាសានិយាយរហូតដល់ទៅ ១៤០ភាសា

2017-07-31 02:39:53
ចំនួនមតិ 0 | ចំនួនចែករំលែក 0

ចន្លោះមិនឃើញ

កំណើនប្រជាពលរដ្ឋថ្មី មានជាង ១០០ ០០០ នាក់ក្នុងមួយឆ្នាំ
ទីក្រុងនេះល្បីល្បាញខាងស្វាគមន៍ពហុវប្បធម៌ និងសម្បូរពូជសាសន៍ចម្រុះជាច្រើន
វាស្អាត វាមានសុវត្ថិភាព ហើយវាជាមជ្ឈមណ្ឌលនៃការច្នៃប្រឌិត មនោគមនិយម ហើយថែមទាំងស្រស់ស្អាតទៀតផង

ចំនួនប្រជាពលរដ្ឋនៅក្នុងទីក្រុងធំបំផុតមួយរបស់ប្រទេសកាណាដា កំពុងតែបន្តកើនឡើង ខណៈកំណើនប្រជាពលរដ្ឋថ្មី មានរហូតដល់ទៅជាង ១០០ ០០០ នាក់ក្នុងមួយឆ្នាំ។ ប៉ុន្តែកំណើនប្រជាពលរដ្ឋ ដែលបានបន្តកើនឡើង មិនបានផ្លាស់ប្ដូរលក្ខណៈរបស់ទីក្រុងមួយនេះឡើយ។

ទីក្រុង Toronto ល្បីល្បាញខាងស្វាគមន៍ពហុវប្បធម៌ និងសម្បូរពូជសាសន៍ចម្រុះជាច្រើន ត្រូវបានគេដឹងថា ប្រជាពលរដ្ឋនៅទីនោះប្រើការនិយាយ រហូតដល់ទៅ ១៤០ ភាសាឯណោះ។ ទីក្រុងនេះក៏បានធ្វើការវិនិយោគយ៉ាងច្រើន ទៅលើការដឹកជញ្ជូនសាធារណៈ និង បច្ចេកវិទ្យា ដែលធ្វើឲ្យទីក្រុងធំបំផុតរបស់កាណាដានេះ កាន់តែទាក់ទាញដល់អ្នកចំណូលថ្មី។

ទោះបីជាយ៉ាងណា វាអាចត្រូវការពេលវេលាខ្លះ ដើម្បីពេញចិត្តនូវអ្វីដែលទីក្រុង Toronto មាន។ នេះបើតាមសម្ដីអ្នកស្រុក Toronto ម្នាក់ ឈ្មោះ Alyssa James។

ចំណែកឯសហគ្រិនកាដាណា លោក Bruce Poon Tip ដែលបានរស់នៅក្នុងទីក្រុងខាងលើ អស់រយៈពេល ២៧ ឆ្នាំមកហើយ បានឲ្យដឹងថា «ពួកគេមិនមករស់នៅទីនេះដើម្បី មាត់ទឹក ឬ ឆ្នេរសមុទ្រឡើយ ព្រោះយើងមិននៅក្បែរមហាសមុទ្រឡើយ ប៉ុន្តែយើងមានបឹងដ៏អស្ចារ្យ»។

លោក Bruce បានបន្ថែមថា «ទីក្រុង Toronto បានផ្ដល់ឲ្យខ្ញុំនូវអត្ថប្រយោជន៍ជាច្រើន ជាមួយនឹងការរស់នៅបែបសាមញ្ញ។ វាស្អាត វាមានសុវត្ថិភាព ហើយវាជាមជ្ឈមណ្ឌលនៃការច្នៃប្រឌិត មនោគមនិយម ហើយថែមទាំងស្រស់ស្អាតទៀតផង។ មិនតែប៉ុណ្ណោះ វាពោរពេញទៅដោយវប្បធម៌ មនុស្ស និងគំនិតយ៉ាងសម្បូរបែប»៕

ចុចអាន៖

ប្រភព៖ BBC ប្រែសម្រួល៖ សេង ឡុង