បុណ្យសពរបស់ Chester Bennington រៀបចំយ៉ាងស្ងាត់ស្ងៀមបំផុត
- 2017-07-31 04:58:19
- ចំនួនមតិ 0 | ចំនួនចែករំលែក 0
បុណ្យសពរបស់ Chester Bennington រៀបចំយ៉ាងស្ងាត់ស្ងៀមបំផុត
ចន្លោះមិនឃើញ
មរណភាពរបស់តារាចម្រៀងដ៏សំខាន់ម្នាក់ក្នុងក្រុមចម្រៀង Linkin Park បានធ្វើឲ្យអ្នកគាំទ្រ គ្រួសារ និងមិត្តភក្ដិរបស់លោកទាំងអស់មានការសោកស្ដាយខ្លាំងបំផុត រកអ្វីមកប្រៀបផ្ទឹមពុំបាន។
ផ្អែកតាមវិបសាយព័ត៌មានដ៏ល្បី Metro បានចុះផ្សាយកាលពីម្សិលមិញ លើកឡើងថា ពិធីបុណ្យសពរបស់តារាចម្រៀងប្រចាំក្រុម Linkin Park លោក Chester Bennington បានរៀបចំឡើងនៅឧទ្យាន South Coast Botanic Garden ដែលស្ថិតនៅជិតផ្ទះរបស់ Chester ក្នុងរដ្ឋ California ដោយមានការចូលរួមពី ក្រុមគ្រួសារ និងមិត្តជិតស្និទ្ធរាប់រយនាក់ ដើម្បីជូនដំណើរតារាចម្រៀងរូបនេះជាលើកចុងក្រោយ។
តាមប្រភពដដែលបាននិយាយថា ពិធីដ៏ក្ដុកក្ដួលនេះ ក៏មានការប្រគំតន្ត្រី ដើម្បីជាការឧទ្ទិសកុសលជូនដល់ តារាចម្រៀងរូបនេះផងដែរ។ រីឯសន្តិសុខវិញ ត្រូវបានការពារយ៉ាងហ្មត់ចត់បំផុត ដើម្បីធានារក្សាសិទ្ធិឯកជន ព្រមទាំងភ្ញៀវដែលបានចូលរួម ដោយកងកម្លាំងប៉ូលិសជាច្រើន។
ការចាកចេញរបស់លោក Chester Benningtonជាការចាកចេញគ្មានថ្ងៃត្រលប់ ទុកឲ្យប្រពន្ធនៅថែរក្សាកូនទាំង ៦ម្នាក់ឯង ដោយក្ដីក្ដុកក្ដួលក្រៃលែង៕
ចុចអាន៖
Chester Bennington ទើបទិញផ្ទះរាប់លានដុល្លារឲ្យគ្រួសារមុនស្លាប់
លេចចេញខ្សែអាត់សំឡេង ក្នុងថ្ងៃ Chester Bennington ស្លាប់ហើយ