មកស្គាល់រោងចក្រផលិតម៉ូតូ PCX Dream Click នៅវៀតណាម

2017-08-01 02:59:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Honda ប្រចាំប្រទេសវៀតណាម (Honda Vietnam) បានចាប់ផ្ដើមសាងសង់រោងចក្រផលិតម៉ូតូរបស់ខ្លួននៅខែមីនា ឆ្នាំ ១៩៩៦ និង បានបើកដំណើរការនៅឆ្នាំ ១៩៩៧។

រោងចក្រនៅខេត្ត Vinh Phuc

Honda Vietnam ជាការក្រុមហ៊ុនដែលរួមបណ្ដាក់ទុនគ្នារវាងក្រុមហ៊ុន Honda Motor របស់ជប៉ុន (៤២%), Asian Honda Motor (២៨%) និង ក្រុមហ៊ុន Dynamic Machine Corporation and Farm Machinery Vietnam (៣០%)។ រោងចក្រផលិតម៉ូតូ Honda នៅវៀតណាមមានចំនួន ៣ ដែលស្ថិតនៅទីតាំងពីរខុសគ្នា ដោយរោងចក្រទីមួយ និង ទីពីរមានទីតាំងនៅខេត្ត Vinh Phuc និង រោងចក្រទីបីមានទីតាំងនៅខេត្ត Hanam។ រោងចក្រទាំងបីមិនត្រឹមតែមានផលិតម៉ូតូប៉ុណ្ណោះទេ ប៉ុន្តែចាប់ពីឆ្នាំ ២០០៦ ក៏មានផលិតរថយន្តផងដែរ មានដូចជាម៉ូដែល City, Civic, CR-V និង Accord ជាដើម។

រោងចក្រនៅខេត្ត Hanam

សរុបទាំង ៣ រោងចក្រខាងលើមានសមត្ថភាពផលិតម៉ូតូបាន ២,៥ លានគ្រឿងក្នុងមួយឆ្នាំ និង រថយន្តបាន ១០ ០០០ គ្រឿងក្នុងមួយឆ្នាំ ដោយមានបុគ្គលិកបម្រើការងារសរុបប្រហែល ១០ ០០០ នាក់។ ចំពោះម៉ូដែលម៉ូតូ Honda ដែលផលិតនៅរោងចក្រ Honda ប្រចាំប្រទេសវៀតណាមរួមមាន Air Blade, SH, Click, Lead, Super Dream, Wave Alpha, Blade, Wave RSX, Future, VISION, PCX (ចាប់ផ្ដើមផលិតពីឆ្នាំ ២០១៤) និង MSX ៕