មុនក្លាយជាសេដ្ឋិនី ត្រចៀកកាំជាក្មេងស្រីស្អាត មានបុរសជាច្រើនចោមរោមស្រលាញ់

2017-08-01 08:15:51
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាពចាស់ៗ បង្ហាញពីសម្រស់កាលពីក្មេងរបស់ត្រចៀកកាំ (Zhao Wei) បានធ្វើឲ្យគេចាប់អារម្មណ៍ជាខ្លាំង ដោយសារតែរូបសម្រស់ដ៏ស្រស់ស្អាតរបស់នាង។

តាមរយៈរូបទាំងនោះបានបង្ហាញរូបរាង Zhao Wei កាលពីមានអាយុ ១៩ឆ្នាំ និងជាសិស្សសាលាគួរឲ្យស្រលាញ់ម្នាក់ដែលមានភ្នែកធំៗស្អាត មុខមានមន្តស្នេហ៍គួរឲ្យទាក់ទាញ។ មនុស្សជាច្រើនជឿជាក់ថាដោយសារតែសម្រស់ដ៏ស្រស់ស្អាតរបស់នាង បានធ្វើឲ្យនាងក្លាយជានារីក្នុងក្ដីស្រមៃរបស់ប្រុសៗជាច្រើន ដែលបូករួមទាំងមិត្តភ័ក្ដិដ៏ជិតស្និទ្ធម្នាក់របស់នាង Hyunh Xiaoming ផងដែរ។

Zhao Wei គឺជាសិស្សស្រីមួយរូបដែលមានសម្រស់ស្អាតដាច់គេ កាលពីនាងនៅជាសិស្សនៅសាលាសិល្បៈភាពយន្តក្រុងប៉េកាំង “Beijing Film Academy”។ ដោយសារតែសម្រស់ដ៏ស្រស់ស្អាតនៅវ័យម្ភៃប្លាយ និងសមត្ថភាពសម្ដែងរបស់នាង Zhao Wei បានធ្វើឲ្យផលិតករដ៏ល្បីម្នាក់គឺអ្នកស្រី Qiong Yao ចាប់អារម្មណ៍មកលើនាង។

បន្ទាប់មកនាងក៏ត្រូវបានជ្រើសរើសឲ្យដើរតួនៅក្នុងរឿង "Little Piggy” ដោយទាមទារឲ្យនាងបញ្ចុះទម្ងន់តាមសំណើរបស់អ្នកស្រី Qiong Yao ដោយសារតែពេលនោះនាងធាត់ជាងនេះបន្តិចមិនទាន់សមស្របនឹងតួអង្គរបស់នាងនៅក្នុងរឿង។ ប៉ុន្ដែដោយសារតែការខិតខំរបស់នាងនិងការស្រលាញ់ពេញចិត្តពីអ្នកស្រី Qiong Yao នាងបានទទួលភាពល្បីល្បាញជាច្រើនតាមរយៈការសម្ដែងដូចជានៅក្នុងរឿង "Hoan Chee Way” និង "New River of Spearation” ជាដើម។

បច្ចុប្បន្ន Zhao Wei គឺជាតារាសម្ដែង និងជាអ្នកជំនួញស្រីវ័យ ៤៤ឆ្នាំម្នាក់ ដែលមានទ្រព្យសម្បត្តិមហាសាល និងល្បីល្បាញទូទាំងពិភពលោក៕