ក្ដៅៗ! Suzy បន្តកុងត្រាជាមួយផលិតកម្មយក្សកូរ៉េជាផ្លូវការ

2017-08-02 02:55:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងនិងសម្ដែង Suzy ទើបតែប្រកាសជាផ្លូវការថា នាងនឹងបន្តកុងត្រាជាមួយផលិតកម្ម JYP Entertainment។

បន្ទាប់ពីមានការរាយការទាក់ទងនឹងការចង់ចុះកុងត្រាបន្តរបស់ Suzy ជាមួយផលិតកម្ម JYP ពេលនេះ JYP បានបញ្ចេញសេចក្ដីថ្លែងការជាផ្លូវការថា ពេលនេះ Suzy បានចុះកុងត្រាជាមួយ JYP ហើយ។ ចាប់ពីពេលនេះទៅ Suzy នឹងមានសកម្មភាពការងារផ្សេងៗដែលមានន័យ និងច្រើនប្រភេទ។

ដើមឆ្នាំនេះខណៈពេលដែលកុងត្រាចាស់របស់ Suzy បានបញ្ចប់ នាងបានផ្ដោតសំខាន់ទៅលើការថតរឿងភាគមួយដែលមានចំណងជើងថា "While You Were Sleeping”។

រឿងភាគនេះដែលនាងបានសម្ដែងជាមួយ Lee Jong Suk នឹងចាប់ដាក់បញ្ចាំងខែកញ្ញានេះហើយ។

Suzy បាន Debut ជាមួយផលិតកម្ម JYP សម្រាប់ក្រុមចម្រៀង Miss A កាលពីឆ្នាំ ២០១០ជាមួយនឹងបទចម្រៀង "Bad Girl Good Girl”។

បន្ទាប់ពី Debut ដោយសារតែសម្រស់ដ៏ស្រស់ស្អាតនិងសមត្ថភាពសម្ដែងរបស់នាង Suzy បានចូលរួមសម្ដែងក្នុងរឿងភាគល្បីៗជាច្រើនដូចជា "Dream High”, “Gu Family Book” និង "Uncontrollably Fond” ជាដើម។

ហើយថ្មីៗនេះនាងក៏បានបញ្ចេញបទចម្រៀងទោលគឺបទ "Yes No Maybe”។ ដោយមានសេចក្ដីថ្លែងការបំភ្លឺពីសំណាក់ JYP ដូច្នេះ Suzy នឹងបញ្ចេញបទចម្រៀងថ្មីនិងត្រូវសម្ដែងរឿងបន្តទៀតក្រោមផលិតកម្ម JYP៕