អស្ចារ្យណាស់! ត្រឹមបញ្ចាំងថ្ងៃដំបូង "The Battleship Island” វ៉ាដាច់ "Train To Busan"

2017-08-03 04:01:24
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែលេចរូបរាងមកភ្លាម មិនបានប៉ុន្មានផង ភាពយន្តមានចំណងជើងថា "The Battleship Island” ទទួលជោគជ័យស្ទើរស្មានមិនដល់។

ផលិតកម្ម CJ Entertainment ដែលជាផលិតកម្មចូលរួមសហការធំ ក្នុងខ្សែភាពយន្តនេះ បានបង្ហើបថា រឿងនេះបានបង្កើតកំណត់ត្រាថ្មី ដោយទទួលបានចំនួនអ្នកចូលទស្សនាប្រមាណ ៩៧០ ០០០នាក់ នៅយប់បញ្ចាំងដំបូង និងឡើងដល់ ១លាននាក់ នៅថ្ងៃទី ២។ ជាក់ស្ដែងនៅថ្ងៃទី ៣ ក៏ស្រាប់តែកើនដល់ ២លាននាក់ ថ្ងៃទី៤ ចំនួន ៣លាន និងថ្ងៃទី ៥ មានប្រមាណ ៥លានឯណោះ។

ទស្សនា Trailer ខ្លីៗ៖

បើតាមវិបសាយ KDrama Buzz បានលើកឡើងថា រឿង "The Battleship Island” គឺជាខ្សែភាពយន្តដែលលក់សំបុត្រទស្សនាលឿនជាងគេប្រចាំឆ្នាំ គឺរហូតទៅដល់ ៥លានសន្លឹក ក្នុងប្រទេសកូរ៉េខាងត្បូង ត្រឹមរយៈពេលដ៏ខ្លីបំផុត។

នេះសបញ្ជាក់ថា ក្នុងចំណោមភាពយន្តកុនកូរ៉េ រឿង "The Battleship Island” ក្លាយជារឿងកំពូលដែលលក់សំបុត្រអស់លឿនជាងគេ ចំនួនជាង ៩៧០ ៥០០ នៅថ្ងៃដំបូង ដែលបានវ៉ាដាច់ ចំនួនសំបុត្ររបស់រឿង "Train To Bsan” ដែលលក់អស់ត្រឹមជាង ៨៧២ ៦០០ប៉ុណ្ណោះ។

គួរបញ្ជាក់ថា សាច់រឿងរបស់ភាពយន្តមួយនេះនិយាយរយៈពេលមួយនៃការកាប់របស់ជប៉ុន លើកោះ Hashima ដែលជាកន្លែងដែលពួកគេប្រើប្រាស់កម្លាំងពលកម្មជនជាតិកូរ៉េឲ្យធ្វើការឥតឈប់។ ដោយឈឺចាប់ពេក ទើបជនជាតិកូរ៉េប្រហែលជាង ៤០០នាក់បានរកមធ្យោបាយរត់គេចខ្លួនចេញពីកោះនោះ។ "The Battleship Island" សម្ដែងដោយតារាសម្ដែង Hwang Jung Min, So Ji Sub, Song Joong Ki, Lee Jung Hyun និង Kim Soo Ahn ព្រមទាំងតារាសម្ដែងជាច្រើនរូបទៀត៕