មិនជឿមិនបាន! ការថតភាពយន្តខ្មែរមួយរឿងជួបរឿងស្មានមិនដល់ ដឹងហើយព្រឺក្បាលខ្ញាក
- 2017-08-04 01:06:45
- ចំនួនមតិ 0 | ចំនួនចែករំលែក 0
មិនជឿមិនបាន! ការថតភាពយន្តខ្មែរមួយរឿងជួបរឿងស្មានមិនដល់ ដឹងហើយព្រឺក្បាលខ្ញាក
ចន្លោះមិនឃើញ
រឿងដែលមិនគួរឱ្យជឿនៅពីក្រោយការផលិតរឿងភាគ "វិញ្ញាណម្ចាស់ព្រែក" ដោយរឿងនោះថតជិតចប់ទៅហើយ បែរជាត្រូវបញ្ឈប់ការថតទៅវិញ ព្រោះជួបរឿងអាក្រក់ៗមិននឹកស្មានដល់។ នេះបើតាមការឲ្យដឹងពីអ្នកដឹកនាំរឿង ក្នុងពិធីក្រុងពាលីរឿងនេះឡើងវិញ កាលពីព្រឹកម្សិលមិញនេះ។
អ្នកដឹកនាំរឿងមួយរូប លោក រចនា ដួង បានប្រាប់ Sabay ថារឿង "ម្ចាស់ព្រែក" នេះគឺជាការថតឡើងវិញ ដោយកែពីឈ្មោះពី "វិញ្ញាណម្ចាស់ព្រែក" មកឈ្មោះ "ម្ចាស់ព្រែក"។ លោកថាកាលថតលើកមុនមានបញ្ហារហូត ដូចជាមានខ្មោចចូលតួ កំពុងតែថតឆេះឌីស និងមានបញ្ហាផ្សេងទៀត។ លោកបន្តថា បើតាមអប្បិយជំនឿ ដើមហេតុបណ្ដាលឱ្យមានបញ្ហាទាំងនេះកើតឡើង អាចបណ្ដាលមកពីពាក្យថា "វិញ្ញាណ" ដែលដាក់ក្នុងចំណងជើងរឿង ព្រោះពាក្យនេះវាហាក់ដូចអរូបិយ បើមានការរៀបចំមិនបានត្រឹមត្រូវនឹងមានបញ្ហា។
ចំពោះដើមហេតុមួយទៀតនោះ អ្នកដឹកនាំដដែលប្រាប់ថា នៅតំបន់ដែលថតនោះ ឱ្យតែដល់ម៉ោង១២យប់គេឱ្យឈប់ថត ឈប់ធ្វើសកម្មភាពអ្វីទាំងអស់។ “ក្នុងតំបន់ហ្នឹងម៉ោង១២ គេឱ្យឈប់ថត តែពួកខ្ញុំអត់ជឿ អ៊ីចឹងមានខ្មោចចូលតួ ថតអត់កើត។ សាក្សីរស់មាន ដូចជា កុល ដាវី ប្អូន ទឹម រដ្ឋា អីហ្នឹង ថ្នាក់គាត់ខ្លាចឈប់ថតឱ្យ។ ឥឡូវ ដកពាក្យវិញ្ញាណចេញ ព្រោះថាពាក្យនេះបើយើងធ្វើមិនដល់អត់បានទេ»។
ទោះជាធ្លាប់មានរឿងហេតុធ្វើឱ្យអាក់ខានក្នុងការថតរឿងពីមុនមកក្ដី តែលោក រចនា ដួង មានក្ដីរំពឹងថានឹងទទួលជោគជ័យខ្ពស់ក្នុងការថតរឿងថ្មីនេះ ព្រោះក្រុមការងារនឹងរៀបចំសែនព្រេននៅគ្រប់កន្លែងដែលថត។
រឿង"ម្ចាស់ព្រែក" ជាប្រភេទរឿងបែបអប្បិយជំនឿ មានចំនួន៥០ភាគ បោះទុនសរុបប្រមាណ១៥ម៉ឺនដុល្លា គ្រោងថតរយៈពេល៨ខែ។ រឿងនេះតួឯកសម្តែងដោយ សយ រចនា ហៅ ប៉ុប រចនា និង លោក ឃឹម រិទ្ធី រួមទាំងតួសំខាន់ៗជាច្រើនរូបទៀតចូលរួមផងដែរ៕
ចុចអាន៖
នឹកស្មានមិនដល់! ហេតុការណ៍ចម្លែកកើតលើតួអង្គហ្លួងព្រះស្ដេចកន
មកដល់ហើយឈុត ស្រទន់ រត់គេចពី ដេតភូមិន្ទ ដែលអ្នកគាំទ្រ អន្ទះសាចង់ដឹង (វីដេអូ)