លោកយាយ ៩១ឆ្នាំ ក្លាយជានិស្សិតបញ្ចប់ការសិក្សាចាស់ជាងគេក្នុងប្រទេសថៃ

2017-08-04 02:35:35
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកយាយ កិមឡាន ចិណាគុន អាយុ ៩១ឆ្នាំ មកពីខេត្តផៈយ៉ា បានក្លាយនិស្សិតបរិញ្ញាបត្រទើបបញ្ចប់ការសិក្សាអាយុច្រើនជាងគេបំផុតនៅមហាវិទ្យាល័យសុខូថៃធម្មាធិរ៉ាត ក្នុងឆ្នាំនេះ។

កាលពីថ្ងៃទី ៣សីហាម្សិលមិញ មានសេចក្ដីរាយការណ៍ថា នៅថ្ងៃទី ៨ និង ៩សីហា ខាងមុខនេះ គឺជាថ្ងៃចែកសញ្ញាប័ត្ររបស់មហាវិទ្យាល័យសូខូថៃធម្មាធិរ៉ាត ឬហៅកាត់ មសធ ហើយថ្ងៃនេះជាពេលវេលានិស្សិតទើបបញ្ចប់ការសិក្សា ត្រូវមកហាត់សមទទួលសញ្ញាប័ត្រ។

គ្រួសាររបស់លោកយាយបានជូនលោកយាយមកហាត់សម មុនថ្ងៃចែកសញ្ញាប័ត្រផ្លូវការមកដល់ ដែលប្រព្រឹត្តទៅនៅមហាវិទ្យាល័យខាងលើនាថ្ងៃទី ៩សីហា។

គួររម្លឹកថា កាលឆ្នាំ ១៩៩៧ លោកយាយកិមឡាន បានចុះឈ្មោះចូលរៀនក្នុងមហាវិទ្យាល័យសុខូថៃធម្មាធិរ៉ាត ក្រោយមកក៏ជាប់ភារកិច្ចក្នុងគ្រួសារ ដូច្នោះហើយត្រូវព្យួរការសិក្សាសិន ហើយត្រលប់មកចូលរៀនឡើងវិញក្នុងឆ្នាំ ២០១០ រហូតរៀនចប់ជាស្ថាពរក្នុងឆ្នាំ ២០១៤ ថ្នាក់បរិញ្ញាបត្រការអភិវឌ្ឍមនុស្ស និងគ្រួសារ។

លោកយាយអាយុ ៩១ឆ្នាំហើយ តែនៅមានសុខភាពល្អ ព្រោះគាត់យកចំណេះដឹងដែលបានសិក្សា មកអភិវឌ្ឍ និងពង្រឹងខ្លួនឯង។

លោកយាយ កិមឡាន ប្រាប់ថា "ការរៀនសូត្រ គឺជាក្ដីសុបិនតាំងពីតូច នៅពេលមានឱកាស អីចឹងត្រូវតែរៀនឲ្យចប់ ដោយមិនគិតថា ជារឿងលំបាក ព្រោះចំណេះដឹងគឺជារឿងសំខាន់ក្នុងការអភិវឌ្ឍខ្លួនឯង។ ប្រសិនបើយើងមិនរៀន យើងមិនអាន គឺមិនដឹង ពេលយើងនិយាយអ្វីក៏មិនដឹងរឿង។ ប្រសិនបើយើងរៀនរហូត ព្រមទាំងអានសៀវភៅ អានព័ត៌មាន យើងនឹងដឹងរឿងក្នុងសង្គម ក្នុងប្រទេស និងជុំវិញពិភពលោកផងដែរ"៕