IT វ័យក្មេងជនជាតិអង់គ្លេស ត្រូវអាមេរិកចោទពីបទ សរសេរកូដលួចលុយធនាគារ

2017-08-05 07:54:51
ចំនួនមតិ 0 | ចំនួនចែករំលែក 0

ចន្លោះមិនឃើញ

តុលាការអាមេរិកបានចោទប្រកាន់ អ្នកស្រាវជ្រាវ Internet វ័យក្មេងសញ្ជាតិអង់គ្លេសម្នាក់ពីបទបង្កើត និងលក់ចែកចាយកម្មវិធី (Software) ដែលបង្កើតឡើងដើម្បីលួចលេខសម្ងាត់ធនាគារ ហើយនឹងត្រូវបើកសវនាការនៅថ្ងៃអង្គារ សប្ដាហ៍ក្រោយ។ បើតាមទីភ្នាក់ងារព័ត៌មាន AP។

Marcus Hutchins | ប្រភព៖ apnews

ជនសង្ស័យឈ្មោះ Marcus Hutchins អាយុ២៣ឆ្នាំ ត្រូវបានចៅក្រមសហព័ន្ធ Las Vegas សង្ស័យថាបានបង្កើត និងលក់ចែកចាយមេរោគ ឈ្មោះ Kronos banking Trojan ដែលជាមេរោគឆ្លងពេលអ្នកប្រតិបត្តិការសេវាធនាគារ វានឹងចាប់យកឈ្មោះអ្នកប្រើប្រាស់ (Username) និង លេខកូដ (Password) របស់អ្នក។

Tor Ekeland ជាអ្នកជំនាញច្បាប់ ស្តីពី កុំព្យូទ័រ បាននិយាយថា ការចោទប្រកាន់នេះគ្មានមូលដ្ឋាន ព្រោះ កន្លងមកមិនធ្លាប់មានជនរងគ្រោះណារាយការណ៍ពីការបាត់លុយពីគណនីធនាគារគេទេ ហើយក៏មិនដែលលេចឮឈ្មោះមេរោគKronos banking Trojan នេះដែរ។

មិត្តជិតស្និទ្ធនឹងជនត្រូវចោទ មានឈ្មោះ Jake Williams និយាយថា គេមិនជឿថាបុរសសក់កណ្ដាញ់ ប្រព្រឹត្តបទល្មើសទេ ព្រោះកន្លងមកពួកគេធ្វើការជាមួយគ្នាលើច្រើនគម្រោង រួមទាំងថ្នាក់បណ្ដុះបណ្ដាលសម្រាប់ការអប់រំជាន់ខ្ពស់ផង៕

ប្រភព៖ AP ប្រែសម្រួលៈ សុខ លាងហ៊ត