SAMSUNG កំពុងញាប់ដៃញាប់ជើង ផលិតអេក្រង់ OLED សម្រាប់បំពាក់លើ iPhone

2017-08-05 01:49:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈដែលព័ត៌មានបែកធ្លាយជាច្រើនបានចេញផ្សាយពី រូបរាង សមត្ថភាព និងលក្ខណៈសម្បត្តិរបស់ iPhone 8 តែក្នុងពេលពេលនេះ Samsung កំពុងតែញាប់ដៃញាប់ជើងចាប់ផ្ដើមផលិតនិងផ្គត់ផ្គង់អេក្រង់ OLED សម្រាប់ iPhone ជំនាន់ក្រោយៗរបស់ Apple ចាប់ពីចុងខែសីហានេះទៅ។

រូបបែកធ្លាយចុងក្រោយ

អ្វីដែលជាការភ្ញាក់ផ្អើលនោះគឺ ការវិនិយោគទឹកប្រាក់ជាច្រើនលានដុល្លារពីសំណាក់ក្រុមហ៊ុនបច្ចេកវិទ្យាកូរ៉េខាងត្បូងមួយនេះ ដើម្បីនាំចូលនូវគ្រឿងបរិក្ខារសម្រាប់ផលិតអេក្រង់ប្រភេទ OLED និងការសាងសង់ខ្សែចង្វាក់ផលិតកម្មបញ្ចប់ នៅក្នុងរោងចក្រក្នុងប្រទេសវៀតណាម។

កាន់តែគួរឱ្យភ្ញាក់ផ្អើលទៀតនោះគឺ ការផលិតអេក្រង់ OLED នេះនឹងកើនឡើងជាង ៧ ដង បើធៀបកាលពីឆ្នាំ ២០១៦ ផលិតបាន ១៥ ០០០ បន្ទះក្នុងមួយខែ ឡើ់ងដល់ទៅ ១០៥ ០០០ បន្ទះក្នុងមួយខែនៅក្នុងឆ្នាំ ២០១៧។

របាយការណ៍នេះបញ្ជាក់ថា ប្រសិនក្រុមហ៊ុន Samsung អាចផ្គត់ផ្គង់អេក្រង់ឲ្យ Apple បាន 100% លើ 100% មានន័យថា Samsung អាចផលិតកញ្ចក់ អេក្រង់បានប្រហែល 124 លានបន្ទះ សម្រាប់ទំហំ ៦ អ៉ិញនិង ១៣០ លានបន្ទះសម្រាប់ទំហំ ៥,៨ អ៉ីញក្នុងមួយឆ្នាំ។

ប្រសិនបើការផ្គត់ផ្គង់បានត្រឹមតែ 60% លើ 100% នោះមានន័យថា Samsung អាចផលិតកញ្ចក់ អេក្រង់បានប្រហែល ៧៥ លានបន្ទះសម្រាប់ទំហំ ៦ អ៉ិញនិង ១៧៩ លានបន្ទះ សម្រាប់ទំហំ ៥,៨ អ៉ីញតែប៉ុណ្ណោះ។ដូចនេះបើក្រុមហ៊ុន Samsung ផ្គត់ផ្គង់ការផលិតមិនបានគ្រប់តាមតម្រូវការនោះទេ Apple អាចនឹងទៅរក បន្ទះកញ្ចក់អេក្រង់ ពីក្រុមហ៊ុន LG ដើម្បីបន្ថែមឲ្យគ្រប់សម្រាប់ iPhone ជំនាន់ថ្មី។

រូបបែកធ្លាយចុងក្រោយ

រំឮកដែរថា អេក្រង់ប្រភេទ OLED(Organic light-emitting diode ) វាជាអេក្រង់សម្រាប់ស្មាតហ្វូនថ្ងៃអនាគត ហើយអាចនិយាយបានថា ជាកញ្ចក់អេក្រង់ស្មាតហ្វូន ដែលមានរូបភាពច្បាស់ម៉ត់ល្អដូចទស្សន៍ បង្ហាញរូបភាពដូចមែនទែន ឯកម្រិតបង្ហាញរូបភាពបានដល់ 3840 x 2160 ភិចសែល អាចមើលធ្លុះខាងក្រោយបាន និងជាប្រភេទអេក្រង់កោងដែលអាចបត់បែនបាន ដូចនេះស្មាតហ្វូនដែលមានបំពាក់អេក្រង់ល្អបែបនេះមានមិនច្រើនទេដូចជា LG V30, Galaxy Note8, និង iPhone 8 ប៉ុណ្ណោះហើយអ្នកទាំងអស់គ្នាក៏រង់ចាំមើលបន្តទៀត ថាតើ Apple មានបច្ចេកវិទ្យាអ្វីបន្ថែមទៀតសម្រាប់បំពាក់នៅលើ iPhone ជំនាន់ក្រោយៗរបស់ខ្លួន៕

ប្រភព៖ PhoneArena | Bgr ប្រែសម្រួល៖ រក្សា