Apple ចង់បានកម្មករចិន ជាជាងពលរដ្ឋអាមេរិកខ្លួនឯង ដោយសារមូលហេតុបែបនេះសោះ

2017-08-06 02:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple ទើបប្រកាសកាលពីថ្ងៃពុធ សប្ដាហ៍នេះថា ខ្លួនលក់iPhone បាន41លានគ្រឿងក្នុងត្រីមាសទី២ ដែលបច្ចុប្បន្នធ្វើឲ្យក្រុមហ៊ុនមានសាច់ប្រាក់ ដល់ទៅ 261,5ពាន់លានដុល្លារ ប៉ុន្តែក្រុមហ៊ុនយក្សមួយនេះ ភាគច្រើនបង្កើតការងារក្រៅស្រុក ពិសេសនៅចិន។

Stev Jobs ស្ថាបនិកក្រុមហ៊ុន Apple

អតីតប្រធានាធិបតី លោកអូបាម៉ា ធ្លាប់បានសួរទៅនាយកប្រតិបត្តិក្រុមហ៊ុន Apple ថា «ហេតុអ្វីបានជាការងារទាំងនោះមិនអាចត្រឡប់មកផ្ទះយើងវិញ»?

«ការងារទាំងនោះមិនអាចត្រឡប់មកវិញបានទេ» Stev Jobs ឆ្លើយ។ តាមកាសែតអាមេរិក The New York Times។

កាសែតនេះរៀបរាប់ពីហេតុផលមួយចំនួន ដែលការងារទាំងនោះគ្មានថ្ងៃវិលត្រលប់ចូលទៅប្រទេសមហាអំណាចពិភពលោកនេះវិញទេ។

*១/ កម្មករចិន ធ្វើការ១២ម៉ោងក្នុង១ថ្ងៃ

មានតែនំធុង១ដុំ និង តែ១ពែង កម្មករចិន របស់រោងចក្រFoxconn City នៅទីក្រុងស៊ិនជិន(Shenzhen) ភាគខាងត្បូងប្រទេសចិន ថែមម៉ោងរហូតដល់១២ម៉ោង។ មនុស្ស ២៣ម៉ឺននាក់ ផលិតiPhone បាន១ម៉ឺនគ្រឿងក្នុង១ថ្ងៃ។

ពួកគេធ្វើការ ៦ថ្ងៃក្នុង១សប្ដាហ៍ ហើយគេទទួលបានប្រាក់ឈ្នួល មិនលើសពី17ដុល្លារក្នុង១ថ្ងៃ ខណៈដែលកម្មករ Apple នៅអាមេរិក ទទួលបានប្រាក់ឈ្នួល យ៉ាងហោចណាស់12ដុល្លារក្នុង១ម៉ោង។ ទាំងនេះហើយ ដែលកម្មករអាមេរិកធ្វើមិនបានដូចចិន។

២/ កម្មករអាមេរិក មានជំនាញខ្ពស់ពេក ដែលក្រុមហ៊ុនមិនត្រូវការ

ជនជាតិអាមេរិកស្ថិតក្នុងចំណោមអ្នកមានចំណេះដឹងខ្ពស់បំផុតនៅលើពិភពលោក ដែលប្រទេសនេះ លែងបណ្ដុះបណ្ដាលជំនាញវិជ្ជាជីវៈដែលរោងចក្រត្រូវការ ហើយបើជួលពួកគេក៏ត្រូវចំណាយច្រើន។ ម្ល៉ោះហើយក្រុមហ៊ុនត្រូវការចំណេញ ដែលមានតែរត់ទៅរក កម្មករទារប្រាក់ឈ្នួលទាប និង មានជំនាញ។

៣/ វត្ថុធាតុដើមជាង៩០%របស់ iPhone នៅក្រៅទឹកដីអាមេរិក

បើទោះជា iPhoneខុសគ្នាពីជំនាន់មួយទៅជំនាន់មួយ តែធាតុផ្សំវាកើតពីផ្នែកផ្សេងៗរាប់រយមុខ ហើយ៩០% ត្រូវបានផលិតនៅបរទេស។

គ្រឿងអេឡិចត្រូនិកកម្រិតខ្ពស់បានមកពីប្រទេសអាឡឺម៉ង់ និង កោះតៃវ៉ាន់។ Memoryពី ប្រទេស កូរ៉េ និង ជប៉ុន។ ផ្ទាំងអេក្រង់ និង បន្ទះអេឡិចត្រូនិក ពី កូរ៉េ និង តៃវ៉ាន់។ បន្ទះឈីប (chipsets)ពីអឺរ៉ុប និង លោហធាតុដ៏កម្រ ពី អាហ្វ្រិក និង អាស៊ី។ ហើយអ្វីៗ ទាំងអស់នេះត្រូវបានដំឡើងនៅប្រទេសចិន។

ជាងនេះទៅទៀត រដ្ឋាភិបាលចិន ថែមទាំងមានឃ្លាំងពេញទៅដោយ កញ្ចក់Screenគំរូជាច្រើន Free សម្រាប់ក្រុមហ៊ុន Apple ដោយមិនគិតថ្លៃ។

កម្មការចិន ប្រជ្រៀតគ្នាចូលដាក់ពាក្យ

មនុស្សច្រើន ធ្វើការលឿន ទាមទារតិច តែមានជំនាញ បូករួមនឹងអំណោយផល បរិយាកាសវិនិយោគ របស់មហាយក្សចិន ធ្វើឲ្យក្រុមហ៊ុនយក្សអាមេរិក ដាច់ខាតត្រូវតែជ្រើសយក ដែលគ្មានកន្លែងណាសាកសមជាងទីនោះទៀតទេនៅលើផែនដីនេះ៕

ប្រភព៖ nytimes ប្រែសម្រួល៖ សុខ លាងហ៊ត