បែងចែកឲ្យច្បាស់រវាងអេក្រង់ Quad HD, QHD, QHD+ និង 4K Ultra HD

2017-08-07 04:14:39
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះមានការបញ្ចេញអេក្រង់ស្មាតហ្វូនដែលមានកម្រិតខ្ពស់ៗជាច្រើនរួមមាន Quad HD, QHD, QHD+ និង 4K Ultra HD ជាដើម។ មានអ្នកខ្លះយល់ថាអេក្រង់ទាំង ៤ មានកម្រិតដូចគ្នា តែតាមពិតទៅវាមានលក្ខណៈខុសគ្នាខ្លះៗ។

@ អ្វីទៅជា Quad HD?

Quad HD ជាឈ្មោះផ្សេងមួយទៀតសម្រាប់ WQHD ដែលមានន័យពេញថា "Wide Quad High Definition”។ អេក្រង់ Quad HD មានកម្រិត Resolution ដល់ទៅ 2560 x 1440 ភីកសែលឯណោះ ដែលមានភីកសែលច្រើនជាងអេក្រង់ HD ធម្មតាបួនដង។ Quad HD ក៏មានមាត្រដ្ឋានអេក្រង់ទូលាយ 16:9 ដែលជាកម្រិតមាត្រដ្ឋានដ៏ពេញនិយមមួយសម្រាប់អេក្រង់ទូរសព្ទ។

@ អ្វីទៅជា QHD ហើយវាដូចជា Quad HD ទេ?

ពាក្យ QHD តាមពិតដំបូងមានន័យពេញថា Quarter High Definition ដែលសំដៅលើអេក្រង់ណាមានកម្រិត Resolution 960 x 540 ភីកសែល។ ស្មាតហ្វូនស៊េរីចាស់ៗដែលមានអេក្រង់ QHD មានដូចគ្នា HTC Desire 601 និង Samsung Galaxy S4 Mini ជាដើម។

អេក្រង់ QHD នេះបានក្លាយជាអេក្រង់ហួសសម័យលឿនបំផុត ព្រោះសូម្បីតែស្មាតហ្វូនប្រភេទ Budget Phone (តម្លៃធូរថ្លៃ) ភាគច្រើននាពេលបច្ចុប្បន្នប្រើសុទ្ធតែអេក្រង់ HD ដែលមានកម្រិត Resolution 1280 x 720 ភីកសែលទៅហើយ។ ដោយសារតែហួសសម័យ ទើបគេយកពាក្យនេះមកប្រើបញ្ជាក់កម្រិតស្មាតហ្វូនជំនាន់ថ្មី ដែលមានន័យស្មើនឹងពាក្យ Quad HD។

@ អ្វីជា QHD+?

QHD+ ឬសរសេរថា Quad HD+ ជាឈ្មោះមួយផ្សេងទៀតសម្រាប់អេក្រង់ WQXGA+ មានន័យថា Wide Quad Extended Graphics Array Plus)។ កម្រិត Resolution ជាក់លាក់នៃអេក្រង់ប្រភេទនេះអាស្រ័យលើមាត្រដ្ឋានអេក្រង់។ ជាក់ស្ដែងដូចជា LG G6 មានអេក្រង់ QHD+ មាត្រដ្ឋាន 18:9 ដែលមានកម្រិត Resolution 2880 x 1440 ភីកសែល។ ដោយឡែក Galaxy S8 វិញមានមាត្រដ្ឋាន 18.5:9 មាន Resolution កម្រិត 2960 x 1440 ភីកសែល។

@ អ្វីទៅជា 4K Ultra HD?

4K Ultra HD ឬពេលខ្លះហៅខ្លីថា 4K UHD ឬ 4K ទទេសំដៅលើអេក្រង់ដែលមាន Resolution កម្រិត 3840 x 2160 ភីកសែល។ ត្បិតថាស្មានហ្វូនភាគច្រើននាពេលបច្ចុប្បន្នមានសមត្ថភាពថតវីដេអូកម្រិត 4K UHD ប៉ុន្តែមានតែ Sony Z5 Premium និង Sony XZ Premium ប៉ុណ្ណោះ។ យ៉ាងណាក្ដីកម្រិតខុសគ្នារវាងអេក្រង់ 4K UHD និង អេក្រង់កម្រិត HD ធម្មតា ពិបាកនឹងមើលដឹងណាស់ ព្រោះស្មាតហ្វូនមានអេក្រង់ទំហំតូចពេក។

ខាងក្រោមនេះនឹងបង្ហាញកាន់តែច្បាស់ពីភាពខុសគ្នានៃ QHD, HD, Full HD, Quad HD និង 4K UHD ៖