Honda តេស្តពោងសុវត្ថិភាពលើម៉ូតូ PCX

2017-08-08 02:39:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Honda បានធ្វើការវិវឌ្ឍន៍ទៅមុខមួយជំហានទៀតសម្រាប់ម៉ូតូខ្នាតតូច ដោយគ្រោងបំពាក់ពោងសុវត្ថិភាពលើម៉ូតូអូតូដ៏ពេញនិយម។

ពោងសុវត្ថិភាពដែល Honda ប្រើសម្រាប់ម៉ូតូអូតូរបស់ខ្លួនគឺផលិតដោយ Autoliv ដែលជាក្រុមហ៊ុនផ្គត់ផ្គង់ខាងប្រព័ន្ធសុវត្ថិភាពដ៏ល្បីឈ្មោះមួយ។ ពោងសុវត្ថិភាពនេះអាចការពារក្បាលរបស់អ្នកបើកបរ និង កាត់បន្ថយរបួសដែលអាចកើតមានពេលជួបគ្រោះថ្នាក់ប៉ះទង្គិចណាមួយ ជាពិសេសការប៉ះទង្គិចចំពីមុខ។

ប្រព័ន្ធពោងសុវត្ថិភាពសម្រាប់ម៉ូតូនេះដំណើរការដូចប្រព័ន្ធពោងសុវត្ថិភាពលើរថយន្តរបស់ Honda យ៉ាងអ៊ីចឹង។ នៅជាប់ហ្វ្រាំងខាងមុខមាន Sensor ដែលមានសមត្ថភាពអាចស្ទង់ដឹងពីការប៉ះទង្គិចអាចកើតមានឡើង។ បន្ទាប់ពី Sensor ចាប់បានហើយប្រព័ន្ធនឹងបញ្ចេញពោងសុវត្ថិភាពសុវត្ថិភាពក្នុងពេល ០,០៤ ទៅ ០,០៥ វិនាទី។ ការធ្វើតេស្តបង្ហាញថានៅពេលប៉ះទង្គិចក្នុងល្បឿន ៥០ គ.ម/ម៉ ពោងសុវត្ថិភាពជួយកាត់បន្ថយរបួសដែលអាចកើតមានបានមួយកម្រិត។

យ៉ាងណាក្ដីពោងសុវត្ថិភាពនេះហាក់មិនប្រយោជន៍ឡើយប្រសិនបើមានការប៉ះទង្គិចពីផ្នែកចំហៀងនៃម៉ូតូ។ កន្លងមក Honda ក៏ធ្លាប់ប្រើបច្ចេកវិទ្យាការពារនេះដែរ ដោយបានបំពាក់លើម៉ូតូធន់ធំម៉ូដែល Goldwing GL1800៕

ចុចអាន៖

ប្រភព៖ Zing ប្រែសម្រួល៖ សុខហេង