ធ្លាយព័ត៌មាន បុគ្គលិកស្ទើរគ្រប់តំណែងមិនពេញចិត្ត ការិយាល័យកណ្ដាលថ្មី Apple

2017-08-08 04:26:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ការិយាល័យកណ្ដាលថ្មីរបស់ Apple ដែលចំណាយថ្លៃសាងសង់ប្រមាណ ៥ ពាន់លានដុល្លារ និងមានរាងប្លែកអមនឹងបច្ចេកវិទ្យាទំនើបៗជាច្រើននោះ បានចាប់ផ្ដើមឲ្យបុគ្គលិកចូលធ្វើការជាបណ្ដើរៗហើយ។

ការិយាល័យកណ្តាលថ្មីរបស់ Apple

ប៉ុន្តែគួរឲ្យភ្ញាក់ផ្អើល មានព័ត៌មានលេចធ្លាយលើកឡើងថាបុគ្គលិកសឹងតែគ្រប់តំណែងហាក់មិនពេញចិត្តការិយាល័យថ្មីនេះទាល់តែសោះ ព្រោះវាមានផ្ទៃទូលាយពេក ដែលក្នុងមួយជាន់ៗគ្មានរនាំងបាំងពីផ្នែកមួយទៅផ្នែកមួយ ពោលគឺរួមគ្នាជាជួរៗទាំងអស់។

ព័ត៌មានលេចធ្លាយនេះអាចមានភាគរយពិតច្រើន ខណៈគេដឹងថាការិយាល័យកណ្ដាលចាស់របស់ Apple មានបរិស្ថានដែលផ្ដល់ឯកជនភាពដល់បុគ្គលិកច្រើន ដែលខាន់ផ្ដាច់ដោយជញ្ជាំងពីផ្នែកមួយទៅផ្នែកមួយ ហើយបុគ្គលិកចូលចិត្តបែបនេះ។

ការិយាល័យកណ្តាលចាស់របស់ Apple

ការិយាល័យកណ្ដាលថ្មីរបស់ Apple នេះ សាងសង់ក្រោមកញ្ចប់ថវិកាប្រមាណ ៥ ពាន់លានដុល្លារ ហើយផ្ទាំងកញ្ចក់ស្រោបអាគារនេះ ជាប្រភេទផ្ទាំងកញ្ចក់កោងធំជាងគេបំផុតក្នុងលោកនាពេលបច្ចុប្បន្ន៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ Businessinsider ប្រែសម្រួល៖ រដ្ឋ