ចេញតិចៗហើយ រូបរាង Lexus LX 570 ស៊េរីថ្មីឆ្នាំ ២០១៨
- 2017-08-08 02:59:54
- ចំនួនមតិ 0 | ចំនួនចែករំលែក 0
ចេញតិចៗហើយ រូបរាង Lexus LX 570 ស៊េរីថ្មីឆ្នាំ ២០១៨
ចន្លោះមិនឃើញ
ឆាប់ៗខាងមុខនេះក្រុមហ៊ុន Lexus នឹងប្រកាសចេញរថយន្ត LX 570 ស៊េរីថ្មីឆ្នាំ ២០១៨ សម្រាប់ចេញលក់លើទីផ្សារប្រទេសរុស្សី និង នៅតំបន់មជ្ឈិមបូព៌ា។
LX ស៊េរីថ្មីនេះនឹងមានឈ្មោះថា LX 570S សម្រាប់តំបន់មជ្ឈិមបូព៌ាដោយអក្សរ S ពីក្រោយលេខនេះតំណាងឲ្យពាក្យថា Superior។ ត្បិតថារូបរាងផ្លូវការមិនទាន់បានបង្ហាញ ប៉ុន្តែថ្មីៗនេះមានលេចចេញរូបភាពប៉ុន្មានសន្លឹក បង្ហាញឲ្យឃើញខ្លះពីរូបរាង Lexus LX ស៊េរីថ្មី។ ការរចនារបស់រថយន្តហាក់មិនមានភាពខុសប្លែកគ្នាខ្លាំងពីស៊េរីមុនប៉ុន្មានឡើយ គ្រាន់តែមានការកែប្រែខ្លះៗធ្វើឲ្យមើលទៅកាន់តែមានអំណាច។
ចំពោះលក្ខណៈសម្បត្តិម៉ាស៊ីនរំពឹងថានឹងមិនមានការផ្លាស់ប្ដូរឡើយដោយជឿថានឹងប្រើម៉ាស៊ីន V8 ទំហំ ៥,៧ លីត្រ អាចបង្កើតកម្លាំងបាន ៣៧២ សេះ។ សម្រាប់អតិថិជននៅរុស្សីក៏អាចមានជម្រើសទិញយកប្រភេទ LX 450d ដែលដំណើរការដោយម៉ាស៊ីនម៉ាស៊ូត V8 ទំហំ ៤,៥ លីត្រ បង្កើតកម្លាំងបាន ២៧២ សេះ។
ទាក់ទងនឹងដំណឹងផ្សេងទៀតដូចជាតម្លៃ និង កាលបរិច្ឆេទចេញលក់ជាដើមនោះ ក្រុមការងារនឹងបង្ហាញជូនពេលក្រោយ ពេលរថយន្តនេះប្រកាសចេញជាផ្លូវការ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
