អ្នកទ្រឹស្ដីនិយម ៖ សូរ្យគ្រាសខែនេះជាសញ្ញាព្រមានពីអវសានពិភពលោកខែក្រោយ

2017-08-09 02:45:34
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកទ្រឹស្ដីនិយមឈ្មោះ David Meade បានចេញមុខធ្វើការព្រមានម្ដងទៀតអំពីភាពអាចទៅរួចដែលថាភពយក្សដ៏អាថ៌កំបាំងឈ្មោះថា "Nibiru” បម្រុងនឹងហោះមកបុកផែនដី។

យោងតាមទ្រឹស្ដីដ៏ចម្លែករបស់បុរសខាងលើ បាតុភូតសូរ្យគ្រាសដែលនឹងកើតឡើងក្នុងខែនេះ (ថ្ងៃទី ២១ ខែសីហា) នឹងឲ្យជាសញ្ញាព្រមានថាភពដែលអ្នកវិទ្យាសាស្ត្រមិនធ្លាប់បានប្រទះឃើញកន្លងមក នឹងហោះមកបុកភពផែនដី។ បុរសរូបនេះបានយកចំណុចខ្លះៗនៃព្រះគម្ពីរដើម្បីមកគាំទ្រការអះអាងរបស់ខ្លួន។

ត្បិតថាមិនមានភស្តុតាងគ្រប់គ្រាន់ពីភពអាថ៌កំបាំងដែល NASA ធ្លាប់ចេញមុខលើកឡើងថាជាការបោកប្រាស់ ប៉ុន្តែមនុស្សភាគច្រើនជឿថានេះជាការពិត។ ភព Nibiru ឬ ពេលខ្លះហៅថា Planet X ត្រូវបានគេប៉ាន់ស្មានថាអាចនឹងធ្វើឲ្យពិភពលោកវិនាសតាំងពីឆ្នាំ ២០០៣ មកម្ល៉េះ។

រូបតំណាង

កាលពីដើមឆ្នាំលោក David ធ្លាប់បានលើកឡើងថាភព Nibiru នឹងបុកផែនដីនៅខែតុលា បន្ទាប់ពីត្រូវបានរុញច្រានមកទីនេះដោយកម្លាំងទំនាញពីប្រព័ន្ធផ្កាយដែលមានសណ្ឋានដូចជាព្រះអាទិត្យ។ គាត់បន្ថែមថាភពនេះពិបាកនឹងចាប់បាន ដោយសារតែមុំដែលភពនេះហោះសំដៅមកផែនដី។

ពេលនេះអ្នកទ្រឹស្ដីរូបនេះបានផ្លាស់ប្ដូរកាលបរិច្ឆេទជាថ្មីម្ដងទៀត ដោយអះអាងថាបាតុភូតសូរ្យគ្រាសឈ្មោះថា "Great American Eclipse” នឹងជាសញ្ញានៃការមកដល់របស់ភព Nibiru។ ថ្ងៃទី ២១ ខែសីហា ពលរដ្ឋអាមេរិកនឹងអាចមើលឃើញទិដ្ឋភាពបាតុភូតសូរ្យគ្រាស ហើយបន្ទាប់ពីបាតុភូតភព Nibiru នឹងបង្ហាញខ្លួនលើមេឃនាថ្ងៃទី ២៣ ខែកញ្ញា មុនពេលដែលវាបុកជាមួយនឹងផែនដី៕

ចុចអាន៖

ប្រភព៖ Dailystar ប្រែសម្រួល៖ សុខហេង