អាជ្ញាធរវៀតណាម៖ គ្មានការលើកលែងចំពោះអ្នកសុំទានបរទេស

2017-08-09 09:32:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ជនបរទេសមួយចំនួន នាំគ្នារកការងារធ្វើពេលខ្លី និងសុំទាន
មានវិធីសាស្ត្រល្អជាងអ្នកសុំទានក្នុងស្រុក
ហាមឃាត់អ្នកសុំទាន ទាំងជនជាតិវៀតណាម និងបរទេស

ការសុំទាននៅតាមទីសាធារណៈ ត្រូវបានហាមឃាត់នៅប្រទេសវៀតណាម ហើយបញ្ញត្តិនេះអនុវត្តទាំងលើជនជាតិវៀតណាម និងជនបរទេស។ លោក Tran Chi Dung ប្រធានផ្នែកទេសចរណ៍នៅខេត្ត Kien Giang បានប្រាប់កាសែតTuoi Tre ថា៖ "គ្មានការលើកលែងសម្រាប់ជនបរទេសសុំទានតាមផ្លូវនៅវៀតណាមទេ ទោះគេសុំដោយមានរបៀបយ៉ាងណាក៏ដោយ"។

លោក Dung និយាយនេះ សំដៅទៅលើរូបថតមួយសន្លឹកដែលបានបង្ហោះលើ Facebook បង្ហាញពីនារីជនជាតិបរទេសម្នាក់ អង្គុយដោយស្ងៀមស្ងាត់តាមដងផ្លូវនៅលើកោះមួយ នៃខេត្ត Kien Giang។ នារីរូបនោះអង្គុយសុំ ដោយមានផ្លាកសរសេរជាភាសាវៀតណាមថា "សមាធិសុំសំណាង, ត្រូវការលុយ"។

តាមប្រភពដដែលខាងលើបានបន្ថែមថា ជនបរទេសមួយចំនួនបានធ្វើដំណើរមកវៀតណាមដើម្បីរកការងាររយៈពេលខ្លី និងសុំទានតាមផ្លូវ ដើម្បីទប់ទល់ការចំណាយលើដំណើររបស់ពួកគេ។ លោក Dung បានបង្ហាញចំណាប់អារម្មណ៍ថា បរទេសបច្ចុប្បន្នសុំទានដោយសមរម្យជាទីបំផុតបើប្រៀបធៀបនឹងអ្នកសុំទានក្នុងស្រុក។ អ្នកសុំទានបរទេសមានវិធីសាស្ត្រ ប្រគំតន្ត្រី ច្រៀង លេងសៀក ឬពេលថ្មីៗនេះ ថែមទាំងសមាធិ ដើម្បីសុំលុយ ដោយមិនប៉ះដល់នរណាឡើយ។

ទោះបែបនេះក្ដី បញ្ញត្តិថ្មីៗនេះ មិនអនុញ្ញាតឲ្យមានអ្នកសុំទានតាមផ្លូវ ហើយអ្នកសុំទានបរទេសនឹងត្រូវបញ្ឈប់សកម្មភាព។ ចំណែកអ្នកសុំទានជនជាតិវៀតណាម ដែលគ្មានផ្ទះសម្បែងនៅ អាចត្រូវបញ្ជូនទៅដាក់ក្រោមមជ្ឈមណ្ឌលគាំពារសង្គមណាមួយ៕

ចុចអានអត្ថបទ៖

ប្រភព៖ tuoitrenews ប្រែសម្រួល៖ គង់ វិសាល