សំឡេងខ្ពស់កប់មេឃ ស្រែកច្រៀងមួយទំហឹងសឹងផ្ទុះឆាកទាល់តែបានប៊ូតុងមាស (វីដេអូ)

2017-08-10 02:03:39
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យ៣២ ដែលទទួលជោគជ័យពីវគ្គ Audition នៃកម្មវិធី America's Got Talent បានឡើងមកបញ្ចេញទេពកោសល្យដ៏អស្ចារ្យរបស់ខ្លួនម្ដងទៀតហើយក្នុងសប្ដាហ៍ថ្មី វគ្គ “Judge Cuts”។

ឈានជើងឡើងមកកាន់ឆាកបង្ហាញសមត្ថភាពលើកនេះ Johnny Manuel កាន់តែមិនធម្មតា ដោយលោកបានលើកយកបទចម្រៀងមួយបទ ដែលពិបាកច្រៀងបំផុត យកមកបកស្រាយ។ សំឡេងរបស់បេក្ខជនរូបនេះ ជាប្រភេទសំឡេងដែលកម្ររកបានបំផុត ព្រោះមានភាពក្រអួនក្រអៅ មានទម្ងន់ ពោរពេញទៅដោយទឹកដម បានស្ដាប់ម្ដងហើយ ចង់ស្ដាប់ម្ដងទៀត។

ដោយសារលក្ខណៈពិសេសទាំងនេះហើយ ទើបលោកប្រទះជោគជ័យធំថ្មីមួយទៀត គឺបានទទួលប៊ូតុងមាសពីគណៈកម្មការកិត្តិយស តារាចម្រៀងជនជាតិអង់គ្លេស Seal ឈានទៅវគ្គផ្សាយផ្ទាល់តែម្ដង។ ប៉ុន្តែខុសពីបេក្ខភាពដទៃ ដោយមុននឹងបានប៊ូតុងមាស លោកត្រូវបានគណៈកម្មការប្រចាំកម្មវិធី លោក Simon Cowell តម្រូវឲ្យច្រៀងម្ដងទៀត តែ Johnny នៅតែធ្វើបានល្អ។

គួរបញ្ជាក់ផងដែរថា Johnny Manuel គឺជាបេក្ខភាពដែលទទួលបានប៊ូតុងមាសម្នាក់ទៀតហើយប្រចាំសប្ដាហ៍ថ្មី បន្ទាប់ពីក្មេងស្រីតូចសំឡេងបាន អាយុ ៩ឆ្នាំ Celine Tam ដែលទទួលជ័យជម្នះកាលពីសប្ដាហ៍មុន៕

ទស្សនាវីដេអូខាងក្រោម៖

ចុចអាន៖

អត្ថបទ៖ យី សុធារី