គ្រូ​ជម្រើស​ជាតិ​កម្ពុជា ​ដាក់​គោលដៅ​យក​មេដាយ​មាស​​នៅ​ឆ្នាំ​២០២៣

  • 2017-08-10 02:07:11
  • ចំនួនមតិ

ចន្លោះមិនឃើញ

លោក​ Leonardo Vitorino ​គ្រូ​បង្វឹក​ក្រុម​បាល់ទាត់​កម្ពុជា​ក្រោម​អាយុ​២៣​ឆ្នាំ ​មាន​គម្រោង​ថា​នឹង​ដណ្ដើម​យក​មេដាយ​នៅ​ព្រឹត្តិការណ៍​ស៊ីហ្គេម​ឆ្នាំ​២០២៣ ​ដែល​កម្ពុជា​ធ្វើ​ជា​ម្ចាស់​ផ្ទះ​តែ​ម្ដង។

លោក​ Leonardo Vitorino

ដូច​ធ្លាប់​បញ្ជាក់​កាល​ពី​លើក​មុន ​ក្រុម​ U22 ​កម្ពុជា​ភាគ​ច្រើន​សុទ្ធ​តែ​នៅ​ក្មេង​អាយុ​ត្រឹម​១៧ ឬ​១៨​ឆ្នាំ​តែ​ប៉ុណ្ណោះ។ នេះ​បញ្ជាក់​ថា​ពួកគេ​នៅ​មាន​ឱកាស​បាន​លេង​ក្នុង​ព្រឹត្តិការណ៍​ស៊ីហ្គេម​នេះ​ច្រើន​ដង​ទៀត ​មុន​ផុត​អាយុ​។ លោក Leo ​ប្រើ​យុទ្ធ​សាស្ត្រ​យក​កីឡាករ​ល្អ​ៗ ក្មេង​ៗ​នេះ ​ចូល​ទៅ​ស៊ីហ្គេម​នៅ​ម៉ាឡេស៊ី​គឺ​ដើម្បី​ឱ្យ​ពួកគេ​ទទួល​បាន​បទ​ពិសោធ​កាន់​តែ​ច្រើន​លើ​ឆាក​អន្តរជាតិ។

គ្រូ​បង្វឹក​សញ្ជាតិ​ប្រេស៊ីល​ខាង​លើ​បាន​បញ្ជាក់​ទៀត​ថា​គោល​បំណង​របស់​លោក​គឺ​នាំ​កម្ពុជា​ឱ្យ​ក្លាយ​ជា​ក្រុម​ខ្លាំង​មួយ​ក្នុង​តំបន់​អាស៊ាន​នេះ។ ដោយ​ត្រូវ​បណ្ដុះ​ពី​ថ្នាល​យុវជន​ចាប់​ពី​ពេល​នេះ​ទៅ ​ខណៈ​ដែល​លទ្ធផល​ចំពោះ​ការ​ប្រកួត​នា​ពេល​បច្ចុប្បន្ន​លោក​មិន​សូវ​ជា​បារម្ភ​ឡើយ ព្រោះ​គោល​បំណង​ធំ​ត្រូវ​យក​មេដាយ​នៅ​ព្រឹត្តិការណ៍​ស៊ីហ្គេម​ឆ្នាំ​២០២៣ ​ដែល​កម្ពុជា​ធ្វើ​ជា​ម្ចាស់​ផ្ទះ​ផ្ទាល់។

ចំពោះ​ស៊ីហ្គេម​ឆ្នាំ​នេះ​វិញ ​លោក Leo ​ដឹង​ច្បាស់​ថា​ស្ថិត​ក្នុង​ពូល​ជាមួយ​ក្រុម​ខ្លាំង​ៗ ប៉ុន្តែ​កីឡាករ​ទាំង​អស់​ត្រូវ​តែ​ប្រឹងប្រែង​ឱ្យ​អស់​ពី​សមត្ថភាព។ ការ​ចាត់​ទុក​ថា​ខ្លួន​ឯង​ធ្វើ​បាន គឺ​ជា​ចំណុច​មួយ​រុញ​ច្រាន​ក្នុង​ឯង​ដើម្បី​សម្រេច​ក្ដី​បំណង​និង​យក​ឈ្នះ​ក្នុង​ការ​ប្រកួត។ ​ក្រុម U22 ​កម្ពុជា ​ស្ថិត​ក្នុង​ពូល B ​ជាមួយ​ក្រុម​ ថៃ វៀតណាម ឥណ្ឌូណេស៊ី ទីម័រ​ខាង​កើត និង​ហ្វីលីពីន៕

ស្រាបៀរ​អង្គរ​មាន​មោទនភាព​គាំទ្រ​អត្តពលិក​ជាតិ​​ចូល​រួម​ប្រកួត​កីឡា​ស៊ីហ្គេម ២០១៧ #ឆន្ទៈ​យើងបេះ​ដូង​យើង៕

ចុចអានអត្ថបទបន្ដ៖

គ្រូ​បង្វឹក​ល្បី​ឈ្មោះ​២​រូប ​បង្ហាញ​ចំណាប់​អារម្មណ៍ U22 ​កម្ពុជា​ក្នុង​ពូល​ខ្លាំង​នៅ​ស៊ីហ្គេម

គ្រូ​វៀតណាម ​បង្ហាញ​ឈ្មោះ​កីឡាករ​ថៃ​២​នាក់ ​អាច​បង្ក​គ្រោះ​ថ្នាក់​ដល់​កម្ពុជា


អត្ថបទ៖ មុន្នីរម្យ