ជនជាតិអង់គ្លេសសម័យបុរាណ ស៊ីសាច់ញាតិដែលស្លាប់ រួចឆ្លាក់ពាក្យសម្ងាត់លើឆ្អឹង

2017-08-10 02:29:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ជនជាតិអង់គ្លេសសម័យបុរាណ គឺជាមនុស្សស៊ីសាច់មនុស្ស ដោយបានស៊ីសាច់ញាតិដែលស្លាប់ទៅ រួចឆ្លាក់ពាក្យសម្ងាត់នៅលើឆ្អឹងរបស់ពួកគេ។

យោងតាមក្រុមបុរាណវិទូ ដែលបាននិងកំពុងធ្វើការនៅឯស្រុក Somerset ដែលមានជនជាតិអង់គ្លេសរស់នៅក្នុងរូងភ្នំ កាលពី ១៥ ០០០ ឆ្នាំមុន បានឲ្យដឹងថា ពួកគេទាំងនោះធ្លាប់ប្រារព្ធពិធីមរណភាព បន្ទាប់ពីសមាជិកគ្រួសាររបស់ពួកគេបានស្លាប់។ វាជាលើកទីមួយហើយ ដែលការអនុវត្តទាំងនេះ ត្រូវបានគេកំណត់អត្តសញ្ញាណ ពីយុគសម័យបុរាណ Paleolithic ឬ Old Stone Age។

ក្រុមអ្នកវិទ្យាសាស្ត្រមកពីសារមន្ទីរ Natural History Museum and UCL បានពិនិត្យមើលស្នាមកាត់រាប់រយនៅលើឆ្អឹងមនុស្ស និង សត្វ នៅក្នុងរូងភ្នំ Gough’s Cave ស្ថិតក្នុងភូមិ Cheddar Gorge ប្រទេសអង់គ្លេស។ ឆ្អឹងមនុស្សមួយក្នុងចំណោមនោះបាន បែក ច្រៀក ខាំ និង ឆ្លាក់សញ្ញាស្រដៀងអក្សរ «Z» (Zig-Zag sign)។

យោងតាមក្រុមអ្នកស្រាវជ្រាវ បានឲ្យដឹងថា ស្នាមស្រដៀងអក្សរ Z នៅលើឆ្អឹងនោះ គឺជាសញ្ញាឆ្លាក់ដែលធ្វើឡើងដើម្បីតំណាងពីសិល្បៈ ឬ និមិត្តសញ្ញាអ្វីមួយប៉ុណ្ណោះ។ ជាមួយគ្នានេះដែរ ពួកគេក៏បានសន្មតថា សញ្ញាសំគាល់នោះគឺជាវិធីរំលឹករឿងរ៉ាវនៃជីវិត ឬ វិធីដែលពួកគេបានស្លាប់៕

ចុចអាន៖

ប្រភព៖ Metro ប្រែសម្រួល៖ សេង ឡុង