អាវុធនុយក្លេអ៊ែរដែលកូរ៉េខាងជើងប្រើបន្លាចពិភពលោក មានតម្លៃប៉ុន្មាន?

2017-08-10 04:15:56
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលសហរដ្ឋអាមេរិកជឿជាក់ថាមេដឹកនាំកូរ៉េខាងជើងលោក Kim Jong Un មានអាវុធនុយក្លេអ៊ែរដល់ទៅ ៦០ ឯណោះ ស្របពេលដែលអ្នកជំនាញមួយចំនួនជឿថាចំនួនសរុបគឺតិចជាងនេះ។

យ៉ាងណាក្ដីប្រសិនបើប្រទេសកូរ៉េខាងជើងមានអាវុធនុយក្លេអ៊ែរដល់ទៅ ៦០ ពិតមែននោះតម្លៃនៃនុយក្លេអ៊ែរនីមួយៗមានចន្លោះពី ១៨ ទៅ ៥៣ លានដុល្លារ។ ដើម្បីកំណត់ពីតម្លៃអាវុធនុយក្លេអ៊ែរនេះគេត្រូវគិតលើការចំណាយលើការផលិត, ប្រព័ន្ធដឹកជញ្ជូន និង ចំណាយលើការថែទាំ។

តម្លៃខាងលើនេះដែរគឺផ្អែកលើការវិភាគរបស់រដ្ឋាភិបាលប្រទេសកូរ៉េខាងត្បូងដែលបានកំណត់ថា ប្រទេសកូរ៉េខាងជើងបានចំណាយថវិកាសរុបពី ១,១ ទៅ ៣,២ ពាន់លានដុល្លារ លើអាវុធនុយក្លេអ៊ែររបស់ខ្លួន។ ទាក់ទងនឹងការចំណាយសរុបនេះអ្នកជំនាញមួយចំនួនបាននិយាយថា មិនអាចទូទាត់ការចំណាយជាក់លាក់បានឡើយ ដោយសារតែកម្មវិធីអាវុធនុយក្លេអ៊ែររបស់ប្រទេសនេះរក្សាការសម្ងាត់ខ្ពស់ជាទីបំផុត៕

ចុចអាន៖

ប្រភព៖ CNBC ប្រែសម្រួល៖ សុខហេង