ធ្ងន់ក! រំលោភ និងបៀតបៀនផ្លូវភេទកូនស្រី ៦០០ដង ប្រឈមជាប់គុក ៣ ០០០ឆ្នាំ

2017-08-10 07:44:31
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកនេះ តុលាការពិសេសម៉ាឡេស៊ីបានប្រកាសបទចោទចំនួន ៤៩៩ករណី ក្នុងចំណោមបទចោទទាំងអស់ ៦៣១ករណី ប្រឆាំងនឹងបុរសម្នាក់ដែលបានរំលោភ និងបៀតបៀនផ្លូវភេទលើកូនស្រីវ័យជំទង់របស់ខ្លួន ៦០០ដងក្នុងរយៈពេល ជាង ២ឆ្នាំ។

ឪពុកអាយុ ៣៦ឆ្នាំ ត្រូវបានបញ្ជូនមកដល់តុលាការពិសេស Special Courts នាវេលាម៉ោង ៩ព្រឹកនេះ ដោយចោទពីបទឧក្រិដ្ឋកម្មផ្លូវភេទលើអនីតិជន បន្ទាប់ពីចាប់ខ្លួនកាលពីថ្ងៃទី ២៦កក្កដា។ តាមសេចក្ដីរាយការណ៍ ជនសង្ស័យរូបនេះ បានចាប់ផ្ដើមរំលោភ និងបៀតបៀនកូនស្រីអាយុ ១៥ឆ្នាំ តាំងពីលែងលះភរិយាក្នុងឆ្នាំ ២០១៥ មកម្ល៉េះ។

បន្ទាប់ពីលែងលះ ខាងឪពុកបានយកកូនស្រីច្បង ឯខាងម្ដាយយកកូនស្រីប្អូនៗ២នាក់ ទៅនៅជាមួយ។ កូនស្រីរងគ្រោះបានសម្រេចចិត្តស្កាត់ទៅប្រាប់ម្ដាយអំពីអំពើអត់កេរ្តិ៍ខ្មាសនេះ ក្រោយពីឪពុកព្យាយាមទាក់ទាញប្អូនស្រីអាយុ ៩ឆ្នាំ និង១១ឆ្នាំឲ្យទៅរស់នៅជាមួយបន្ថែមទៀត។

តាមមាត្រា 377C នៃក្រមព្រហ្មទណ្ឌម៉ាឡេស៊ី ជនណាដែលបង្ខំរំលោភកូនខ្លួនឯងនឹងត្រូវជាប់ពន្ធនាគារចំនួន ៥ឆ្នាំ ក្នុងមួយករណី រួមទាំងការវាយនឹងរំពាត់ទៀតផង។ មកទល់ពេលនេះ ឪពុកចិត្តខ្មៅខាងលើត្រូវឃុំខ្លួនបណ្ដោះអាសន្ន រង់ចាំសវនាការបន្តទៀត៕