កុមាអភ័ព្វមានដៃធំដូចដំរី បែរជាត្រូវគេហៅពាក្យមួយដែលគ្រប់គ្នាមិនចង់ឮ

2017-08-12 06:25:26
ចំនួនមតិ 0 | ចំនួនចែករំលែក 0

ចន្លោះមិនឃើញ

កុមារជនជាតិឥណ្ឌាម្នាក់មានជំងឺចម្លែក ធ្វើឲ្យដៃលូតលាស់ធំខុសប្រក្រតីប្រៀបដូចដៃមឹកយក្ស និងត្រូវបានអ្នកភូមិហៅកុមាររូបនេះថា ជាបិសាចទៅវិញ។

កុមារនេះមានឈ្មោះ Takrik អាយុ ១២ឆ្នាំ រស់នៅរដ្ឋ Uttar Pradesh មានដៃទាំងពីរធំតាំងពីកំណើតដោយមិនដែលពិនិត្យរោគវិនិច្ឆ័យឡើយ តែគ្រូពេទ្យសន្និដ្ឋានថា ប្រហែលជាកើតជំងឺជើងដំរី។ អ្នកស្រុកជាច្រើនបានហៅកុមារនេះជាបិសាច និងបន្ទោសថា មកពីគេត្រូវបណ្ដាសាពីជាតិមុន។

កុមារ Tarik សុំឪពុកម្ដាយមិនចូលរៀនទេ ព្រោះខ្លាចមិត្តរួមថ្នាក់ខ្លាចដៃរបស់ខ្លួន។ គេបានធ្វើការនៅក្នុងហាងលក់តែមួយកន្លែង និងតែងតែទទួលពាក្យចំអកឡកឡឺយពីអ្នកជិតខាង និងមិត្តភ័ក្ដិជាបន្តបន្ទាប់។

ចាប់តាំងពីឪពុករបស់ Tarik ទទួលមរណភាព គ្រួសាររបស់គេមិនមានលទ្ធភាពយក Tarik ឲ្យពេទ្យពិនិត្យអ្វីទេ ប៉ុន្តែ Tarik នៅមានសុទិដ្ឋិនិយមថា ថ្ងៃណាមួយខ្លួននឹងទទួលបានព្យាបាល។

កុមារក្រីក្ររូបនេះប្រាប់ថា "ខ្ញុំចង់កម្ចាត់អាការៈបែបនេះឲ្យអស់។ ខ្ញុំចង់ក្លាយជាមនុស្សធម្មតាដូចក្មេងដទៃដែលអាចទៅសាលារៀន និងរត់លេងបាន។ ខ្ញុំសង្ឃឹមថា ខ្ញុំនឹងមានដៃធម្មតាវិញ"៕