អាការៈទាំងនេះហើយបញ្ជាក់ថា ពងស្វាសកំពុងតែរងការរលាក

2017-08-12 09:09:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតា ជំងឺរលាកពងស្វាសតែងកើតឡើងតែលើមនុស្សប្រុសប៉ុណ្ណោះ ហើយមូលហេតុរបស់វាអាចបណ្តាលមកពីបាក់តេរី ឬវីរុស។ យ៉ាងណាមិញ បើសិនជាវារងការរលាកមែន គឺរលាកទាំងពីរក្នុងពេលតែមួយតែម្តង។ ប៉ុន្តែរោគសញ្ញារបស់វាច្រើនតែកើតឡើងលើពងស្វាសតែម្ខាងទេ។ ការរលាកពងស្វាសក៏មានជាប់ទាក់ទងនឹងការបង្ករោគដោយវីរុសបង្កជំងឺស្រឡាទែន។

ការឈឺចាប់នៅពងស្វាស និងគ្រលានគឺជាអាការៈដំបូងគេនៃការរលាកពងស្វាសហើយ។ ក្រៅពីនេះអ្នកអាចនឹងមានអាការៈបន្ថែមទៀតដូចជា៖

• ហើមតឹងក្នុងពងស្វាស

• នោមឈឺ

• ឈឺចាប់ខ្លាំងក្នុងពេលបាញ់ទឹកកាម

• មានឈាមក្នុងទឹកកាម

• ហូរទឹករំអិលមិនធម្មតាចេញពីបង្ហួរនោម

• ក្រពេញប្រូស្តាតរីកធំ

• ហើមកូនកណ្តុរក្នុងតំបន់គ្រលាន

• ក្តៅខ្លួន

ទោះបីជាយ៉ាងណាក៏ដោយ បើសិនជាការរលាកពងស្វាសបង្កឡើងដោយវីរុស គឺគ្មានថ្នាំព្យាបាលឡើយ ប៉ុន្តែជំងឺនេះនឹងជាវិញដោយខ្លួនឯង។ ស្របពេលជាមួយគ្នានេះដែរ អ្នកគួរតែអាចប្រើវិធីមួយចំនួនដើម្បីគ្រប់គ្រងរោគសញ្ញារបស់វាហើយ។ ការប្រើថ្នាំបំបាត់ការឈឺចាប់ ស្អំទឹកកក និងលើកពងស្វាសឲ្យខ្ពស់បន្តិច សុទ្ធតែជារឿងដែលជួយឲ្យអ្នកកាន់តែមានផាសុកភាពថែមទៀត។

ការរលាកពងស្វាសបង្កឡើងដោយបាក់តេរីអាចព្យាបាលបានដោយថ្នាំផ្សះ ថ្នាំប្រឆាំងការរលាក និងស្អំទឹកកក។ បើយើងមិនខ្វល់អំពីមូលហេតុដែលនាំឲ្យរលាកនោះ ការជាសះស្បើយពីជំងឺនេះអាចនឹងត្រូវការពេលច្រើនសប្តាហ៍ឯណោះ។

ចូរកុំភ្លេចតមសកម្មភាពរួមភេទ និងលើករបស់ធ្ងន់ៗផងខណៈពេលពងស្វាសរលាក។ បើសិនជាអ្នកមានជំងឺកាមរោគ ដៃគូរួមភេទក៏ត្រូវតែទទួលយកការព្យាបាលដូចគ្នាដែរ៕

ចុចអាន៖

ផ្ដល់សិទ្ធិដោយ៖ Health