មូលហេតុ ៤ ដែលធ្វើឲ្យលិង្គមិនងើប

2017-06-25 04:09:35
ចំនួនមតិ 0 | ចំនួនចែករំលែក 0

ចន្លោះមិនឃើញ

លឹង្គមិនឡើង ឬលឹង្គងាប់មកពីហេតុអ្វី?

បាក់ទឹកចិត្ត

ខួរក្បាល ជាអ្នកគ្រប់គ្រងសកម្មភាព និងអារម្មណ៍ទាំងមូលរបស់អ្នក។ អារម្មណ៍ត្រេកត្រអាលផ្នែកផ្លូវភេទ ចាប់ផ្តើមនៅក្នុងក្បាល និងធ្វើដំណើរចុះមកក្រោម។ ដូច្នេះ រោគបាក់ទឹកចិត្ត អាចបំផ្លាញដល់ចំណង់តណ្ហា និងបណ្តាលឲ្យអ្នកគ្មានអារម្មណ៍សុខស្រួល។ ក្រៅពីនេះ ថ្នាំមួយចំនួនសម្រាប់ព្យាបាលរោគបាក់ទឹកចិត្ត ក៏អាចប៉ះពាល់ដល់ចំណង់លើគ្រែនិងធ្វើឲ្យលិង្គពិបាកឡើងផងដែរ។

ជាតិអាល់កុល

អ្នកអាចគិតថា ផឹកពីរបីកែវ ដើម្បីដាស់អារម្មណ៍ ប៉ុន្តែ ភាគច្រើន ស្រាច្រើនពេកមិនអាចជួយអ្នកបានទេ។ ការទទួលទានជាតិស្រវឹងច្រើន អាចទៅរំខានដល់ការឡើងរឹង និងប៉ះពាល់ដល់សកម្មភាពរួមភេទផងដែរ។ យ៉ាងណាមិញ ការទទួលទានក្នុងកម្រិតទាប អាចដោះស្រាយបញ្ហានេះទៅវិញ។ ការផឹកស្រាក្នុងកម្រិតទាប ក៏ជួយពង្រឹងដល់សុខភាពទូទៅនិងការពារជំងឺផ្សេងៗផងដែរ។

កំហឹង

កំហឹង អាចធ្វើឲ្យមុខអ្នកឡើងឈាម ប៉ុន្តែ វាមិនមែនជាកន្លែង ដែលត្រូវការសម្រាប់រឿងលើគ្រែនោះទេ គឺថា លិង្គទៅវិញទេ ដែលត្រូវការឈាមបែបនេះ។ វាមិនងាយនឹងឈានដល់ចំណុចកំពូលនោះទេ ប្រសិនបើអ្នកមានការបារម្ភឬខឹងនឹងរឿងអ្វីមួយនៅក្នុងចិត្ត។

ទម្ងន់

ការឡើងទម្ងន់ច្រើនពេក អាចប៉ះពាល់សកម្មភាព និងចំណង់ក្នុងការរួមភេទ ហើយវាក៏ធ្វើឲ្យអ្នក មិនទុកចិត្តចំពោះខ្លួនឯងដែរ។ ការធាត់ខ្លាំងពេក អាចកាត់បន្ថយអ័រម៉ូនបុរស testosterone ដែលជាសារធាតុចាំបាច់ សម្រាប់ចំណង់លើគ្រែ និងធ្វើឲ្យលិង្គងើបខ្លាំង។ ការធាត់ខ្លាំងពេក ក៏ធ្វើឲ្យអ្នកប្រឈមមុខ ទៅនឹងជំងឺនានាជាច្រើនផងដែរ ដូចជា ទឹកនោមផ្អែម លើសឈាម និងស្ទះសរសៃឈាម ជាពិសេស គឺសរសៃឈាមទៅកាន់ប្រដាប់ភេទតែម្តង ដែលជាមូលហេតុ ធ្វើឲ្យលិង្គមិនអាចងើបបាន៕

ប្រភព៖ Health.com.kh