ក្មេងជាង៦០នាក់ ស្លាប់នៅក្នុងមន្ទីរពេទ្យ ដោយសារកើតរឿង គួរឲ្យហួសចិត្ត

2017-08-13 01:59:47
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មានក្មេងចំនួន ៦០ នាក់បានស្លាប់នៅឯមន្ទីរពេទ្យរដ្ឋមួយកន្លែង ស្ថិតនៅភាគខាងជើងនៃប្រទេសឥណ្ឌា ខណៈក្រុមមន្ត្រីបានអះអាងចោទប្រកាន់ថា ការផ្គត់ផ្គង់អុកស៊ីហ្សែនត្រូវបានកាត់ផ្ដាច់ចោល ដោយសារតែមិនបានបង់ប្រាក់ថ្លៃសេវាកម្ម។

ទោះបីជាយ៉ាងណា ក្រុមមន្ត្រីនៅក្នុងរដ្ឋ Uttar Pradesh បានសារភាពថា ការផ្គត់ផ្គង់អុកស៊ីហ្សែន ពិតជាត្រូវបានគេកាត់ផ្ដាច់មែន ប៉ុន្តែវាមិនមែនជាមូលហេតុ ដែលបណ្ដាលឲ្យក្មេងៗទាំងនោះស្លាប់ឡើយ។

បើតាមប្រព័ន្ធផ្សព្វផ្សាយក្នុងស្រុក បានឲ្យដឹងថា មានការភ័យស្លន់ស្លោនៅមន្ទីរពេទ្យ ដោយក្រុមគ្រួសារសាច់ញាតិរបស់ក្មេងៗទាំងនោះ បានខិតខំព្យាយាមជួយដោយប្រើប្រាស់ថង់ខ្យល់ដង្ហើម។ គួរបញ្ជាក់ថា ជនរងគ្រោះភាគច្រើន ស្ថិតនៅក្នុងបន្ទប់ NICU និង កំពុងព្យាបាលជំងឺរលាកខួរក្បាល។

មន្ត្រីក្នុងស្រុកម្នាក់ មានឈ្មោះថា Anil Kumar បានទទួលស្គាល់ថា ពិតជាមានបញ្ហារឿងទូទាត់ប្រាក់ ជាមួយអ្នកផ្គត់ផ្គង់អុកស៊ីហ្សែនមែន ប៉ុន្តែលោកបាននិយាយថា ការស្លាប់អាចបណ្ដាលមកពីមូលហេតុធម្មជាតិប៉ុណ្ណោះ ព្រោះតែអ្នកជំងឺជាច្រើនកំពុងស្ថិតក្នុងស្ថានភាពធ្ងន់ធ្ងរ៕

ចុចអាន៖

ប្រភព៖ BBC ប្រែសម្រួល៖ សេង ឡុង