បង្ហាញមុខបុរសម្នាក់នៅពីក្រោយ ហាងថ្មីតម្លៃ ២លានដុល្លារ របស់គង់ សុជាតិ

2017-08-13 05:49:20
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកមិញនេះពិធីការិនីអ្នកនាង គង់ សុជាតិ បានបើកសម្ពោធ ហាង និងសាលាបណ្ដុះបណ្ដាលវិជ្ជាជីវៈថែរក្សាសម្ផស្ស "សុជាតិ" តម្លៃ ២លានដុល្លារអាមេរិក នៅផ្លូវ ២៥៨ សង្កាត់ បឹងកក់ ខណ្ឌទួលគោក រាជធានីភ្នំពេញ។ ឆ្លៀតក្នុងឱកាសនេះភរិយាលោក ជា វិបុល ក៏បានបង្ហាញមុខបុរសម្នាក់ដែលជួយឧបត្ថម្ភនៅពីក្រោយការបើកហាងផងដែរ។

គង់ សុជាតិ និងលោកប៉ាដែលជាអ្នកជួយផ្គត់ផ្គង់នៅពីក្រោយការបើកហាងតម្លៃ២លានដុល្លារអាមេរិក

អ្នកនាង គង់ សុជាតិ បានលើកឡើងថា ការបើកហាងកែសម្ផស្សថ្មីដែលមានកម្ពស់ ៧ជាន់នេះ មិនមែនជាលុយនាង និងស្វាមីទាំងអស់នោះទេ។ ទុននៃការបើកហាងមានការចូលហ៊ុនគ្នាពីសំណាក់បងប្អូនប្រុសស្រីរបស់ខ្លួន ជាពិសេសគឺលោកប៉ានាងផ្ទាល់តែម្ដងជាអ្នកឧបត្ថម្ភ នៅពីក្រោយការបើកហាងតម្លៃ ២ លានដុល្លារ។

“បានជាខ្ញុំសាងសង់ហាងកែសម្ផស្សមានលក្ខណៈទ្រង់ទ្រាយធំបែបនេះ ដោយសារតែមានតម្រូវការ របស់អតិថិជន និងការខិតខំប្រឹងប្រែងពីក្រុមគ្រួសារ និងប្អូនៗរបស់ខ្ញុំ ព្រមទាំងបុគ្គលិកទាំងអស់ មានការស្រុះស្រួលគ្នា ជួយគ្នាទៅវិញទៅមក ទើបខ្ញុំសម្រេចចិត្តបើហាង និង សាលាបណ្ដុះបណ្ដាលវិជ្ជាជីវៈថែរក្សាសម្ផស្សមានទ្រង់ទ្រាយធំ ព្រោះមានការជួយដើមទុនយ៉ាងពីប៉ាខ្ញុំ"។ នេះបើតាម គង់ សុជាតិ និយាយរៀបរាប់។

ពិធីការិនីចាស់វស្សារូបនេះបន្តថា ការបើកទីតាំងថ្មីនៅម្ដុំទួលគោក សាខាចាស់នៅទល់មុខបាក់ទូកលែងដំណើរការតទៅទៀតហើយ ព្រោះតែផុតកុងត្រា គួបផ្សំទីកន្លែងថ្មីធ្វើរួចរាល់ផងក៏ផ្លាស់មកកន្លែងថ្មីតែម្ដងទៅកុំឲ្យពិបាកច្រើន៕