បុរសចម្លែក! ពេលឃ្លានបាយ ហូបចរន្តអគ្គិសនីកន្លះម៉ោង ឆ្អែតល្មម
- 2017-08-13 07:18:53
- ចំនួនមតិ 0 | ចំនួនចែករំលែក 0
បុរសចម្លែក! ពេលឃ្លានបាយ ហូបចរន្តអគ្គិសនីកន្លះម៉ោង ឆ្អែតល្មម
ចន្លោះមិនឃើញ
បុរសជនជាតិឥណ្ឌាម្នាក់ទទួលបានរហស្សនាមថា “មនុស្សអំពូលភ្លើង” បន្ទាប់ពីធ្វើការអះអាងខុសពីធម្មតាថា គាត់អាចទទួលទានចរន្តអគ្គិសនី ប្រៀបបីដូចជាអាហារ។
លោក ណារ៉េស កុមារ អាយុ ៤២ ឆ្នាំបាននិយាយថា លោកអនុញ្ញាតឱ្យចរន្តអគ្គិសនីរត់ឆ្លងកាត់តាមរយៈរាងកាយរបស់គាត់នៅពេលណាដែលគាត់ឃ្លានបាយហើយមិនមានអារម្មណ៍ឆក់នោះទេ នៅពេលប៉ះខ្សែភ្លើងមានចរន្ត។
លោក កុមារ មកពីទីក្រុង មូសហ្សាថាណាហ្គា (Muzzafarnagar) នៅក្នុងរដ្ឋអ៊ូតថាប្រាដេស ប្រទេសឥណ្ឌាភាគខាងជើងបាននិយាយថា គាត់គ្រាន់តែដោតដៃចូលទៅក្នុងចរន្តអគ្គិសនី ហើយបន្ទាប់ពី ៣០ នាទី គាត់ឆ្អែតមិនបាច់ស៊ីបាយ។
មិនថានេះជាការពិត ឬ ជាល្បិចសៀករហស្សកម្មនោះទេ លោក កុមារ បាននិយាយថាគាត់រកឃើញទេពកោសល្យរបស់គាត់នៅពេលដែលគាត់ប៉ះខ្សែមានចរន្តដោយចៃដន្យនៅថ្ងៃមួយនៅកន្លែងធ្វើការ ហើយចាប់តាំងពីពេលនោះមកគាត់បានក្លាយទៅជាឈ្លក់វង្វេងនឹងស៊ីចរន្តអគ្គិសនីជំនួសអាហារ។
គាត់បង្ហាញពីទេពកោសល្យរបស់គាត់ដោយអនុញ្ញាតឱ្យចរន្តអគ្គិសនីឆ្លងកាត់តាមរយៈមាត់របស់គាត់ដើម្បីបំភ្លឺអំពូលដែលបានធ្វើឱ្យគាត់មានឈ្មោះហៅក្រៅនៅក្នុងភូមិថា “បុរសអំពូលភ្លើង” តែម្តង។
លោក Kumar បានប្រាប់សារព័ត៌មាន Cover Asia Press ថា “ខ្ញុំអាចប៉ះឧបករណ៍អគ្គិសនីដូចជាទូរទស្សន៍ ម៉ាស៊ីនបោកគក់ ទូទឹកកក និងអាំងវឺតទ័រដោយដៃទទេហើយវាមិនឆក់នោះទេ។ រាល់ពេលដែលខ្ញុំមានអារម្មណ៍ឃ្លានហើយមិនមានម្ហូបអាហារនៅក្នុងផ្ទះ ខ្ញុំកាន់ខ្សែភ្លើងលាត ប្រហែលកន្លះម៉ោង គឺខ្ញុំឆ្អែតតែម្តង។ ខ្ញុំញ៉ាំអគ្គិសនីដូចជាម្ហូបអាហារអ៊ីចឹង”៕
ចុចអាន៖
ប្រភព ៖ rasmeinews