ហេតុអ្វីប្រើសុខៗគណនី Facebook ខ្ញុំ Disabled? ចុះមានដំណោះស្រាយទេ?

2017-08-14 03:18:54
ចំនួនមតិ 0 | ចំនួនចែករំលែក 0

ចន្លោះមិនឃើញ

មានអ្នកធ្លាប់ជួបបញ្ហា ពេល Sign In គណនី Facebook ចូល ស្រាប់តែលោតសារមួយមកថា Account Disabled រហូតដល់អ្នកខ្លះក៏សម្រេចចិត្តបង្កើតគណនីថ្មី ហើយបោះបង់ចោលគណនីចាស់ទាំងដែលមិនចង់។ មានតិចនិកមួយ សម្រាប់អ្នកដែលជួបបញ្ហាដូចមានខាងលើ អាចដោះស្រាយបានយ៉ាងងាយស្រួល។

+ហេតុអ្វីគណនី Facebook ខ្ញុំ Disabled?

ជាទូទៅក្រុមហ៊ុន Facebook មានសិទ្ធិពេញលេញក្នុងការបិទចោលគណនីរបស់អ្នក ប្រសិនអ្នកបំពានលើលក្ខខណ្ឌហាមឃាត់ផ្សេងៗជាច្រើន បន្ទាប់ពីទទួលបានការព្រមានមួយលើកពីរលើកផ្ទួនៗគ្នាដូចជា៖

ការបង្ហោះអ្វីមួយដែលខុសពីលក្ខខណ្ឌ Facebook
ការប្រើប្រាស់ឈ្មោះក្លែងក្លាយ
ប្រើប្រាស់គណនីក្លែងខ្លួនជានរណាម្នាក់
ទំនាក់ទំនងទៅនរណាម្នាក់ដោយមានការបង្ខិតបង្ខំ, ផ្សព្វផ្សាយលើសការកំណត់ដែលមិនអនុញ្ញាត - បន្តប្រើប្រាស់អាកប្បកិរិយាដែលមិនអនុញ្ញាតឲ្យមានលើ Facebook

+ដំណោះស្រាយទាញយក Account Disabled មកវិញ

ចូលទៅកាន់ Link មួយនេះ (https://www.facebook.com/help/contact/260749603972907)
បំពេញនូវ Email ឬលេខទូរសព្ទដែលប្រើដើម្បី Log In ចូល Facebook
បំពេញនូវឈ្មោះពេញនៃគណនីរបស់អ្នក
ថតផ្ញើនូវកាតអត្តសញ្ញាណប័ណ្ណ (បើអាចដាក់ជាទម្រង់ឯកសារ JPEG ហើយថតទាំងផ្នែកខាងមុខនិងខាងក្រោយ)
ត្រង់ Additional info បើអ្នកចង់បំពេញក៏បានមិនបំពេញក៏បាន (មានដូចថ្ងៃខែឆ្នាំកំណើតជាដើម)។

ចុចអាន៖

ប្រភព៖ facebook ប្រែសម្រួល៖ កៅ រក្សា