លក្ខណៈ៤យ៉ាង ដែលក្រុមហ៊ុន Google វាយតម្លៃពេលរើសបុគ្គលិក

2017-08-13 02:59:38
ចំនួនមតិ 0 | ចំនួនចែករំលែក 0

ចន្លោះមិនឃើញ

Google គឺជាក្រុមហ៊ុនធំបំផុតមួយនៅលើផែនដីនេះ មានបុគ្គលិកប្រមាណ ៧២ ០០០ នាក់ ហើយអ្នកដែលបានចូលបម្រើការឲ្យក្រុមហ៊ុនយក្សនេះ ជាមនុស្សមានសំណាង ខណៈប្រាក់ខែប្រចាំឆ្នាំជាមធ្យមរបស់វិស្វករ Google គឺ ១២៨ ០០០ ដុល្លារ។ បើតាម Fox News ចុះផ្សាយនាពេលថ្មីៗ។

Sunil Chandra មានដើមកំណើតនៅទីក្រុងមែលប៊ន បានចូលធ្វើការឲ្យ Google តាំងពីជាង១០ឆ្នាំមុន បច្ចុប្បន្នលោកគឺជា អនុប្រធានផ្នែកជ្រើសរើសបុគ្គលិក និង ប្រតិបត្តិ។ លោកបាននិយាយថា មានលក្ខណៈវិនិច្ឆ័យចំនួន ៤ ដែល Google ប្រើជាបន្តបន្ទាប់ក្នុងការសម្ភាសន៍បុគ្គលិករួមមាន៖

១ សមត្ថភាពនៃការយល់ដឹង - របៀបដែលអ្នកដោះស្រាយបញ្ហា

២ ចំណេះដឹងទាក់ទងនឹងតួនាទី - ប្រសិនបើអ្នកជាវិស្វករ តើអ្នកសរសេរកូដបានល្អកម្រិតណា?

៣ ភាពជាអ្នកដឹកនាំ - តើអ្នកនឹងរៀបចំឲ្យមានប្រសិទ្ធភាពកម្រិតណា បើអ្នកត្រូវដឹកនាំមនុស្សមួយក្រុម?

៤ Googliness - ជាវិធានជ្រើសរើសបុគ្គលិកមួយរបស់ក្រុមហ៊ុន Google ដែលនៅក្នុងនោះចែកចេញជាចំណុចតូចៗជាច្រើនទៀត រាប់ទាំងចរិតលក្ខណៈ, របៀបធ្វើការ, ទំនាក់ទំនងជាមួយអ្នកដទៃ. គុណភាពការងារ, និងការបត់បែនតាមវប្បធម៌របស់ក្រុមហ៊ុន ជាដើម។

ដើម្បីធ្វើឲ្យដំណើរការជ្រើសរើសបុគ្គលិកមានលក្ខណៈទំនើបជឿនលឿន Google បានធ្វើការវិភាគទិន្នន័យ (data analytics) និង ការស្រាវជ្រាវទៅលើបេក្ខជនដោយមិនឲ្យពួកគេដឹងខ្លួន ដើម្បីប្រាកដថាដំណើរការនេះមានលក្ខណៈត្រឹមត្រូវ និង យុត្តិធម៌៕

ចុចអានអត្ថបទពាក់ព័ន្ធ៖

ប្រភព៖ Foxnews ប្រែសម្រួល៖ សុខ លាងហ៊ត