ស្រក់ទឹកមាត់ហ្មង ពេលឃើញម្ហូបទំនងៗច្រើនមុខក្នុងហាងតារាកំប្លែងរូបនេះ!

2017-08-14 04:14:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពីអាជីពជាតារាសម្ដែង និងជាតារាកំប្លែងល្បីឈ្មោះមួយរូបប្រចាំប្រទេសថៃ លោក Jaturong Mokjok ក៏ត្រូវបានមហាជនអ្នកគាំទ្រមួយចំនួនស្គាល់ថាជាអ្នកជំនួញដ៏ជោគជ័យម្នាក់ក្នុងប្រទេសផងដែរ។

ពីតារាកំប្លែងម្នាក់ដ៏មានកេរ្តិ៍ឈ្មោះបោះសំឡេង ឥឡូវលោក Jaturong បានចំណាយពេលភាគច្រើន ផ្ដោតមកលើការងាររបរជំនួញកសិកម្មរបស់លោកវិញ។ ទាំងដំណាំដាំដុះ និងកសិដ្ឋានទាំងមូលរបស់តារាប្រុសរូបនេះ ពិតជាដំណើរការទៅយ៉ាងរលូន ដែលនេះចាត់ទុកថា ជាជំហានជោគជ័យមួយរបស់លោកក្នុងការចាប់នេះ។ អ្វីដែលគួរឲ្យសរសើរពីលើនេះ គឺលោក Jaturong ក៏បានបើកភោជនីយដ្ឋាននៅជិតនោះដែរ ដែលមានឈ្មោះថា "ផ្ទះបាយពូរ៉ុង”។ ក្រៅពីមានអាហារដ៏ឈ្ងុយឆ្ងាញ់ភោជនីយដ្ឋានមួយនេះ ក៏បើកឲ្យភ្ញៀវដែលអញ្ជើញទៅថតរូបទេសភាពដ៏ស្រស់បំព្រងរបស់ចម្ការ និង កសិដ្ឋានទាំងមូលមួយសេរីផងដែរ។

បើនិយាយពីអាហារដែលមានក្នុងភោជនីយដ្ឋានវិញ មានច្រើនប្រភេទណាស់ ព្រមទាំងភេសជ្ជៈជាច្រើនមុខ ដែលតម្រូវទៅតាមចំណង់ចំណូលចិត្តរបស់ភ្ញៀវដែលអញ្ជើញមកលម្ហែកាយនៅទីនោះ ហើយពេលបានឃើញហើយ គួរឲ្យចង់ញ៉ាំណាស់ស្ទើរស្រក់ទឹកមាត់៕