មនុស្សភាគច្រើនមិនចង់ចាយលុយលើស ១ ពាន់ដុល្លារទិញ iPhone 8
- 2017-08-15 02:24:33
- ចំនួនមតិ 0 | ចំនួនចែករំលែក 0
មនុស្សភាគច្រើនមិនចង់ចាយលុយលើស ១ ពាន់ដុល្លារទិញ iPhone 8
ចន្លោះមិនឃើញ
លទ្ធផលបានពីការស្ទង់មតិមួយដែលបង្កើតឡើងដោយក្រុមហ៊ុនស្រាវជ្រាវលើការបណ្ដាក់ទុន Barclays បានបង្ហាញទាំងដំណឹងអាក្រក់ និងដំណឹងល្អសម្រាប់ Apple ចំពោះ iPhone 8។
តាមលទ្ធផលរបស់ Barclays ស្ដែងឲ្យឃើញថាមានតែ ១១% នៃអ្នកឆ្លើយតបលើការស្ទង់មតិប៉ុណ្ណោះដែលនឹងចំណាយលុយលើសពី ១ ០០០ ដុល្លារ លើ iPhone មួយគ្រឿង។ ដោយឡែកមានមនុស្សភាគច្រើនចង់ចំណាយត្រឹម ៥៨២ ដុល្លារ ឬ ៤៨,៥ ដុល្លារ ក្នុងមួយខែសម្រាប់ការបង់រំលស់រយៈពេល ១២ ខែ។ បន្ថែមពីនេះលទ្ធផលបង្ហាញដែរថាមានអតិជនដែលកំពុងប្រើ iPhone ត្រឹមតែ ១៨% ប៉ុណ្ណោះដែលនឹងចំណាយលើសពី ១ ០០០ ដុល្លារ ដើម្បីទិញ iPhone។
នេះអាចជាដំណឹងអាក្រក់មួយសម្រាប់ Apple ព្រោះផ្អែកតាមរបាយការណ៍ចេញផ្សាយកន្លងទៅលើកឡើងថា iPhone 8 អាចមានតម្លៃចន្លោះពី ១ ២០០ ដុល្លារ ទៅ ១ ៤០០ ដុល្លារ ឯណោះ។ បញ្ជាក់ថាបច្ចុប្បន្ននេះស្មាតហ្វូនដែលមានតម្លៃថ្លៃជាងគេរបស់ Apple គឺ iPhone 7 Plus ដែលមានតម្លៃដល់ខ្ទង់ ១ ០០០ ដុល្លារ ប៉ុន្តែអាចលក់ដាច់បានច្រើន។ ដូចនេះរង់ចាំមើលជាក់ស្ដែងថាតើ iPhone 8 ដែលរំពឹងថានឹងមានតម្លៃកប់ពពក អាចឲ្យអតិថិជនរារែកទិញ ដូចការស្ទង់មតិខាងលើឬយ៉ាងណា៕
ចុចអាន៖