ឋានសួគ៌ផ្ការាប់រយហិចតាដ៏ល្បីល្បាញនៅកំពង់ស្ពឺ ជិតឈូសចោលជាស្ថាពរហើយ
- 2017-08-15 06:37:23
- ចំនួនមតិ 0 | ចំនួនចែករំលែក 0
ឋានសួគ៌ផ្ការាប់រយហិចតាដ៏ល្បីល្បាញនៅកំពង់ស្ពឺ ជិតឈូសចោលជាស្ថាពរហើយ
ចន្លោះមិនឃើញ
ផ្កាស្នោ ឫហៅម្យ៉ាងទៀតថា ផ្កាចង្រងស្វាដ៏ស្រស់ស្អាតលាតសន្ធឹងលើផ្ទៃដីរាប់រយហិចតា ដ៏ល្បីល្បាញនៅខេត្តកំពង់ស្ពឺ កំពុងតែឈូសចោលបណ្ដើរៗហើយ យ៉ាងយូរបំផុតចុង ខែសីហានេះ នឹងត្រូវឈូសចោលទាំងស្រុងតែម្ដង។ នេះបើតាមការឱ្យដឹងពីលោក លីវ សុខគា ជាអ្នករស់នៅក្បែរតំបន់នោះ ប្រាប់មកកាន់ Sabay។
លោក លីវ សុខគា ប្រាប់ថា តាមពិតទៅផ្កាស្នោដ៏ស្រស់បំព្រងនោះ គេព្រោះដើម្បីទុកធ្វើជាជីដាំដំណាំអំពៅរបស់ក្រុមហ៊ុនមួយប៉ុណ្ណោះ។ ប៉ុន្តែនៅពេលដែលវាចេញផ្កា បានរំលេចជាទេសភាពដ៏ស្រស់ស្អាតបំផុត ហើយកំពុងទាក់ទាញមនុស្សម្នាជាច្រើនប្រាថ្នាទៅដល់ទីនោះ។ លោក សុខគា ប្រាប់ទៀតថា ឥឡូវនេះគឺដល់ពេលត្រូវឈូសចោល ជំនួសដោយដំណាំអំពៅវិញ ចំណែកផ្កាទាំងនោះនឹងក្លាយជាជីដ៏មានជីវជាតិ សម្រាប់ដំណាំអំពៅ។ យ៉ាងណាក្ដី ផ្កាដ៏ស្រស់បំព្រងនេះនឹងមានសារជាថ្មីម្ដងទៀត បន្ទាប់ពីដំណាំអំពៅត្រូវបានប្រមូលផលរួចរាល់។
គួរជម្រាបជូនថា ផ្កាស្នោកំពុងរីកយ៉ាងស្គុះស្គាយលើផ្ទៃដីរាប់ហិចតានេះ ស្ថិតនៅតាមផ្លូវទៅទឹកធ្លាក់ជ្រាវក្នុងខេត្តកំពង់ស្ពឺ ក្នុងភូមិអូរដារ ឃុំអមលាំង ស្រុកថ្ពង បានក្លាយជាទីតាំងដ៏ទាក់ទាញសម្រាប់អ្នកដំណើរនានា និងមានចម្ងាយប្រមាណ ៥០គីឡូម៉ែត្រប៉ុណ្ណោះពីទីរួមខេត្ត៕