តារាស្រី K-Pop មានសម្រស់ស្អាត តែមិនសូវទទួលបានការចាប់អារម្មណ៍!

2017-08-17 03:38:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតាក្នុងវិស័យ K-Pop ជាពិសេសគឺក្រុមចម្រៀងតែម្ដង គឺសមាជិកក្រុមទាំងអស់ពិបាកទទួលបាននូវប្រជាប្រិយភាពណាស់។

ដោយសារតែសមាជិកច្រើន អ៊ីចឹងហើយទើបពេលខ្លះអ្នកគាំទ្រពេញចិត្តតារាៗ ដែលមានសមត្ថភាពលេចធ្លោជាងគេប៉ុណ្ណោះ ប៉ុន្តែបើប្រៀបធៀបជាមួយសម្រស់របស់សមាជិកទាំងអស់វិញ គឺសមាជិកមិនសូវល្បីខ្លះចង់ស្អាតជាងសមាជិកដែលល្បីនោះទៅទៀត។

តោះ! អីចឹងមកស្គាល់ពួកគេទាំងអស់គ្នា!

Seohyun (SNSD)

នៅក្នុងក្រុម SNSD គេសង្កេតឃើញថា Yoona, Taeyeon ឬ Tiffany គឺជាសមាជិកដែលមានប្រជាប្រិយបំផុត។ Seohyun គឺជាសមាជិកម្នាក់ដែលស្រស់ស្អាតខ្លាំង តែប្រជាប្រិយភាពមិនទាន់ខ្លាំងនៅឡើយទេ ទោះជាយ៉ាងណាក៏ដោយ នាងក៏នៅតែជាសមាជិកដ៏សំខាន់បំផុតម្នាក់ប្រចាំក្រុម។

Rose (BLACKPINK)

បើគិតពីក្រុម BLACKPINK វិញ Jennie ពេលនេះគឺជាសមាជិកដែលមានប្រជាប្រិយភាពជាងគេ ហើយ Jisoo ក៏ល្បីខ្លាំងដោយសារតែសម្រស់ដ៏ស្អាតរបស់នាង ចំណែកឯ Lisa វិញក៏ទទួលបានការកត់សម្គាល់ខ្លាំងពីសំណាក់អ្នកគាំទ្របរទេស។ Rose មិនសូវទទួលបានការគាំទ្រច្រើន បើប្រៀបធៀបទៅនឹងសមាជិកក្រុម ប៉ុន្តែ Rose មិនត្រឹមតែមានសម្រស់ស្រស់ស្អាតខ្លាំងប៉ុណ្ណោះទេ នាងក៏ច្រៀងពីរោះមិនធម្មតា។

Chaeyoung (TWICE)

Tzuyu, Sana និង Nayeon គឺជាសមាជិកបីរូបដែលទទួលបានការចាប់អារម្មណ៍ខ្លាំងជាងគេ។ ក្រៅពីនេះសមាជិកផ្សេងៗទៀតសុទ្ធតែទទួលបានការចាប់អារម្មណ៍ដោយសកម្មភាពផ្សេងៗ លើកលែងតែ Chaeyoung ដែលមិនសូវមានការទទួលស្គាល់ពីអ្នកគាំទ្រ។ ក៏ប៉ុន្តែបើក្រឡេកមកមើលសម្រស់ និងសមត្ថភាពនាងវិញ Chaeyoung គួរតែទទួលបានការគាំទ្រច្រើនជាងនេះ។

Chorong (A Pink)

Chorong ត្រូវបានគេកំណត់ថាជាសមាជិកស្អាតជាងគេប្រចាំក្រុម A Pink ប៉ុន្តែនាងបែរជាមិនសូវល្បីខ្លាំងក្នុងក្រុមទៅវិញ។ សមាជិកដែលល្បីជាងគេគឺប្រាកដជា Naeun។

Fei (Miss A)

Suzy ល្បីខ្លាំងពេករហូតដល់ថ្នាក់បាំងជិតប្រជាប្រិយភាពរបស់សមាជិកទាំងអស់របស់ក្រុមចម្រៀង Miss A។ អ្នកគាំទ្រ K-Pop ខ្លះបាននិយាយថាពួកគេស្គាល់តែ Suzy ម្នាក់ប៉ុណ្ណោះក្នុងក្រុមចម្រៀងនេះ។ ទោះបីជា Fei មានសម្រស់មិនចាញ់ Suzy ក៏ដោយតែនាងនៅតែមិនទទួលបានការចាប់អារម្មណ៍ខ្លាំង។

Mina (AOA)

Mina គឺជាសមាជិកម្នាក់ដែលមានសម្រស់ស្អាតជាងគេប្រចាំក្រុម AOA ទោះបីជាសមាជិកដែលល្បីជាងគេគឺ Seolhyun ក៏ដោយ។ Mina មានប្រភពមកពី Ulzzang ដែលជាឈ្មោះសម្រាប់នារីស្អាតៗនៅកូរ៉េ ប៉ុន្ដែបន្ទាប់ពីនាងចូលក្នុងក្រុម AOA មក នាងហាក់ដូចជាបាត់បង់ប្រជាប្រិយខ្លះៗពីសម្រស់ដ៏ស្រស់ស្អាតរបស់នាង។

ចុចអានអត្ថបទ៖

ប្រភព៖ Kenh14 ប្រែសម្រួល៖ ធារ៉ូ