ដឹងអត់? អ្នកណាពូកែផឹកស្រាជាងគេក្នុងក្រុមចម្រៀង Girls' Generation?

2017-08-12 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនជាអ្នកគាំទ្រក្រុមចម្រៀង Girls' Generation អ្នកប្រាកដជាធ្លាប់ដឹងហើយថា Sunny ជាសមាជិកម្នាក់ដែលជាប់ឈ្មោះថាពូកែផឹកស្រាខ្លាំងក្នុងក្រុមនេះ ប៉ុន្តែតាមពិតមិនមែនជា Sunny នោះទេ។

ពេលបង្ហាញខ្លួននៅកម្មវិធីមួយ ដែលមានឈ្មោះថា "Happy Together” ដាក់បញ្ចាំងនៅថ្ងៃទី១៧ខែសីហា ឆ្នាំ ២០១៧ ពួកគេបាននិយាយគ្នាថាតើ អ្នកណាពូកែផឹកស្រាជាងគេ ក្នុងចំណោមសមាជិកទាំងអស់?

គ្រប់គ្នាគិតក្នុងចិត្តថាប្រហែលជា Sunny ហើយដែលទទួលបានចំណាត់ថ្នាក់លេខមួយខាងពូកែផឹក ប៉ុន្តែសមាជិកក្រុមទាំងអស់បានយល់ស្របថាតាមពិតគឺ Yuri ទេដែលជាអ្នកពូកែផឹកស្រាជាងគេនោះ។

ពួកគេបានពន្យល់ពីពេលមួយ ដែលសមាជិកទាំងអស់បានងងុយគេងនៅលើយន្តហោះ ប៉ុន្តែ Yuri មិនបានគេងទេបែរជាអង្គុយផឹកស្រាក្រហមរហូត។

Sunny បានបញ្ជាក់ទៀតថា Yuri ផឹកស្រាក្រហមច្រើនខ្លាំងរហូតដល់បបូរមាត់នាងប្រែពណ៌ទៅជាក្រហម ហើយបំបាក់សមាជិកផ្សេងទៀតទាំងអស់គ្រប់ពេលដែលពួកគេចេញទៅផឹកស្រាជាមួយគ្នា៕