២០ឆ្នាំក្រោយសម្តែង តួរឿង "Titanic” ជួបជុំគ្នាលំហែកាយនៅបារាំង ផ្អែមល្ហែមដូចប្តីប្រពន្ធ

2017-08-17 07:03:10
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Leonardo DiCaprio និងតារាសម្ដែង Kate Winslet ត្រូវបានទស្សនិកជនស្គាល់ច្បាស់ក្រោយពួកគេសម្ដែងរឿងដ៏ល្បីមួយជាមួយគ្នាគឺរឿង "Titatic” កាលពីឆ្នាំ ១៩៩៧។

រហូតមកដល់ពេលនេះ គឺអស់រយៈពេល២០ឆ្នាំមកហើយ អ្នកទាំងពីរនៅតែជាមិត្តល្អនឹងគ្នា។

តារាទាំងពីរដូងនេះ ត្រូវគេប្រទះឃើញស្នាក់នៅជាមួយគ្នានៅវីឡារបស់លោក Leonardo ដែលមានទីតាំងនៅទីក្រុង Saint-Tropez ប្រទេសបារាំងកាលពីចុងខែកក្កដា ហើយបើសិនជាតាមការសង្កេតអ្នកទាំងពីរគឺពិតជាស្និទ្ធស្នាលខ្លាំងណាស់។

Leo និង Kate ពេលលំហែកាយនៅប្រទេសបារាំង

ក្នុងពេលនោះដែរតារាសម្ដែង Kate Winslet បានមកចូលរួមកម្មវិធីរៃអង្គាសលុយសប្បុរសធម៌ប្រចាំឆ្នាំ "the Leonardo DiCaprio Foundation” ហើយក៏សម្រេចចិត្តចំណាយពេលខ្លះដើម្បីលំហែកាយជាមួយមិត្តចាស់តែម្ដង ដែលធ្វើឲ្យអ្នកគាំទ្រជាច្រើនសប្បាយចិត្តពេលឃើញអ្នកទាំងពីរនៅជាមួយគ្នា។

ឈុតឆាកសម្ដែងក្នុងរឿង Titanic

ខណៈពេលអ្នកទាំងពីរជួបគ្នាដំបូងក្នុងរឿង “Titanic” Kate មានអាយុ ២១ឆ្នាំចំណែកឯ Leo មានអាយុ ២២ឆ្នាំប៉ុណ្ណោះ ទោះបីជាអ្នកទាំងពីរសម្ដែងសមគ្នានិងធ្លាប់ត្រូវអ្នកគាំទ្រផ្គូផ្គងយ៉ាងណាក៏ដោយក៏អ្នកទាំងពីរមានទំនាក់ទំនងគ្រាន់តែជាមិត្តភក្តិប៉ុណ្ណោះ៕

អានអត្ថបទ៖

ប្រភព៖ TMZ ប្រែសម្រួល៖ ធារ៉ូ