កំហុស ៥យ៉ាង ធ្វើឲ្យអ្នកដេកមិនសូវបាននៅពេលយប់
- 2017-08-18 02:21:58
- ចំនួនមតិ 0 | ចំនួនចែករំលែក 0
កំហុស ៥យ៉ាង ធ្វើឲ្យអ្នកដេកមិនសូវបាននៅពេលយប់
ចន្លោះមិនឃើញ
ការគេងមិនលក់នៅពេលរាត្រី ជាបញ្ហាមួយដែលរំខានដល់ការបំពេញសកម្មភាពប្រចាំថ្ងៃរបស់មនុស្សទូទៅ ព្រោះកាលណាគេងមិនបានលក់ស្កប់ស្កល់ ឬក៏មិនបានគេងសោះ ធ្វើឲ្យអ្នកគ្មានកម្លាំងកំហែងគ្រប់គ្រាន់ក្នុងការបំពេញភារកិច្ចផ្សេងៗ ព្រមទាំងធ្វើឲ្យអារម្មណ៍មិនសូវល្អផងដែរ។ ការគេងមិនលក់នេះ អាចកើតមកពីសកម្មភាពដែលអ្នកតែងតែប្រព្រឹត្តជារឿយៗ ហើយប្រហែសមិនបានចាប់អារម្មណ៍។
សកម្មភាពទាំងនោះមានដូចជា៖
១.លេងគ្រឿងអេឡិចត្រូនិកច្រើនពេកមុនចូលគេង៖ សកម្មភាពប៉ះពាល់ជាមួយគ្រឿងអេឡិចត្រូនិកដូចជាការលេងទូរសព្ទ កុំព្យូទ័រយួរដៃ ព្រមទាំងការមើលទូរទស្សន៍ជាដើម មុនពេលចូលគេង ធ្វើឲ្យខួរក្បាលរបស់អ្នកគិតថា ពេលយប់ទៅជាពេលថ្ងៃទៅវិញ ធ្វើឲ្យអ្នកមិនងងុយគេង ហើយទោះជាងងុយ ក៏បែរជាគេងមិនលក់ទៅវិញ។
ដើម្បីស្រាយបញ្ហានេះគឺ មុនចូលដំណេក អ្នកគួរតែឈប់លេងគ្រឿងអេឡិចត្រូនិក ២០នាទីមុន ដើម្បីឲ្យខួរក្បាលអ្នកបានទទួលការសម្រាក និងដំណើរការបានស្រួល ដើម្បីរៀបចំគេង។
២. ទទួលទានយប់ពេក៖ ទង្វើនេះធ្វើឲ្យប៉ះពាល់ដល់ការចូលសម្រាករបស់អ្នក ព្រោះក្រពះរបស់អ្នកនៅកំពុងកិនអាហារដែលអ្នកទើបទទួលទាន។ ដូច្នេះអ្នកគួរហូបអាហារក្នុងកម្រិតល្មម ហើយកុំសូវមានជាតិផ្អែមពេក នាពេលល្ងាច ដើម្បីទុកលទ្ធភាពច្រើនម៉ោងបន្តិចសម្រាប់ក្រពះអ្នកធ្វើការកិន ហើយដល់ម៉ោងអ្នកគេង អាចគេងលក់ស្រួលតែម្ដង។
៣.គេងថ្ងៃច្រើនពេក៖ ការធ្វើបែបនេះមិនល្អទេចំពោះសុខភាព ព្រោះធ្វើឲ្យពេលវេលានៃការដេករបស់អ្នកខុសប្រក្រតី ដែលប៉ះពាល់ដល់ការដេករបស់អ្នកនៅពេលយប់។ ចំពោះដំណោះស្រាយនៃកំហុសនេះ អ្នកគួរតែបន្ថយការដេកថ្ងៃរបស់អ្នកមកត្រឹម ៣០នាទីបានហើយក្នុងមួយថ្ងៃ ហើយការដេកថ្ងៃនេះត្រូវធ្វើឡើងមុនម៉ោង ៤ល្ងាច។ ធ្វើបែបនេះ មិនត្រឹមតែមិនមានឥទ្ធិពលអាក្រក់ដល់ការដេករបស់អ្នកនៅពេលយប់ទេ ថែមទាំងធ្វើអ្នកមានអារម្មណ៍ស្រស់ស្រាយទៀតផង។
៤.គេងមិនទៀងទាត់៖ មនុស្សភាគច្រើនតែងតែច្រឡំថាបើសិនគេងខ្វះនៅថ្ងៃនេះ អាចគេងសងនាថ្ងៃបន្ទាប់បាន ប៉ុន្តែការធ្វើបែបនេះជាទម្លាប់មិនល្អទេចំពោះសុខភាពអ្នកព្រោះវាធ្វើឲ្យប៉ះពាល់ដល់ម៉ោងដំណេកប្រក្រតីរបស់អ្នក។ ដូចនេះហើយ ទើបពេលខ្លះទោះគេងច្រើនម៉ោងយ៉ាងណា អ្នកហាក់ដូចគ្មានកម្លាំងកំហែង ព្រោះវាមិនទៀងទាត់ ហើយមិនត្រូវតាមពេលវេលាធម្មតានៃដំណេករបស់អ្នក។ ចំពោះកំហុសនេះ អ្នកគួរកែផ្នត់គំនិតនេះចេញ ហើយបង្កើតការវិភាគនៃពេលវេលាចូលគេងរបស់អ្នក ហើយអនុវត្តឲ្យបានខ្ជាប់ខ្ជួន។
៥.ផឹកកាហ្វេច្រើនពេក៖ ជាតិកាហ្វេអ៊ីនមាននៅក្នុងកាហ្វេ រារាំងដល់ការគេងរបស់អ្នក បើសិនជាទទួលទានមុនចូលគេង ព្រោះវាជាជាតិម្យ៉ាងធ្វើឲ្យអ្នកមិនងងុយគេង។ ចំពោះដំណោះស្រាយវិញ អ្នកគួរបន្ថយការហូបជាតិនេះឲ្យបានកាន់តែតិចកាន់តែល្អ ហើយបើអាចចៀសបាន ចៀសវាងទទួលទានកាហ្វេនាពេលល្ងាច ដើម្បីកុំឲ្យអ្នកគេងមិនលក់៕
ចុចអានអត្ថបទ៖