តួស្រីក្នុងរឿង "និស្ស័យស្នេហ៍ប្ដូរវិញ្ញាណ" មានរឿងអស្ចារ្យច្រើនក្នុងជីវិតថ្នាក់ហ្នឹង?

2017-08-18 04:15:40
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងភាគថៃ "និស្ស័យស្នេហ៍ប្ដូរវិញ្ញាណ” របស់ប៉ុស្តិ៍លេខ ៣ថៃ កំពុងទទួលបានការគាំទ្រខ្លាំងពីមហាជន ទាំងតួឯក និងតួរង សុទ្ធតែត្រូវទស្សនិកជនពេញចិត្តនឹងការសម្ដែង ព្រមទាំងអួតសរសើរពីសម្រស់របស់ពួកគេគ្រប់គ្នា។

ក្នុងចំណោមតួទាំងអស់ ប្រិយមិត្តប្រាកដជាចាប់អារម្មណ៍ចំពោះ តួស្រី "ជីអ៊ឺន" ដែលសម្ដែងជាមិត្តជិតស្និទ្ធរបស់តួស្រី "នុកយុង" សម្ដែងដោយ Ice Preechaya។ ក្នុងរឿង តួស្រីដែលមានឈ្មោះពិត Seo Ji Yeon នេះតែងបង្ហើរឃ្លាជាភាសាកូរ៉េ លាយឡំជាមួយភាសាថៃ។ សម្ដីសំដៅរបស់នាង ដូចជាស្ទាត់ណាស់ ហើយនិយាយគ្មានកន្លែងឆ្គងឡើយប្រៀបដូចជនជាតិកូរ៉េពិតៗ។

ការពិតត្រូវបានបង្ហាញ គឺថា តារាស្រី Seo Ji Yeon ជាកូនថៃកាត់កូរ៉េ ហើយឃើញរូបសម្រស់វ័យក្មេងក៏ពិតមែន ប៉ុន្តែអ្វីដែលគួរឲ្យភ្ញាក់ផ្អើលគឺ នាងមានអាយុ ៣០ឆ្នាំទៅហើយ។ ក្រៅពីមានអាជីពជាតារាសម្ដែង នាងក៏ជាអ្នកចម្រៀង និងតារាម៉ូដែលម្នាក់ប្រចាំប្រទេសកូរ៉េខាងត្បូង និងថៃផងដែរ។

Ji Yeon ចាប់ផ្ដើមចូលសិល្បៈដំបូង ក្នុងឆ្នាំ ២០០៩ មកទល់បច្ចុប្បន្នមានរយៈពេលជិត ១០ឆ្នាំហើយ។ សមត្ថភាពកាន់តែពិសេសរបស់នាង គឺក្រៅពីភាសាកូរ៉េ ថៃ នាងក៏អាចនិយាយភាសាអង់គ្លេស និងជប៉ុនបានយ៉ាងស្ទាត់ជំនាញទៀតផង៕